مىسقىلداۋ دۇرىس پا؟

 استانا. قازاقپارات - «مىسقىلدان قورىقپاڭىز - ول ونى قولدانعان ادام ءۇشىن ءارى ونى قابىلداعان ادام ءۇشىن دە پايدالى» مىسقال (ساركازم) - قارىم- قاتىناستىڭ ەڭ قيىن قۇرالى.

 ويتكەنى، ول كوپتەگەن تۇسىنىسپەۋشىلىكتەردى تۋدىرۋىمەن ەرەكشەلەنەدى. سونىمەن قاتار، حالىقتىڭ ساناسىندا ءجيى مىسقىلدايتىن ادامدار وزدەرىنىڭ سەنىمسىزدىگىن وسىلايشا جاسىرادى دەگەن تۇسىنىك تە قالىپتاسقان. «مىسقىل -  بۇل كەلەكەلەۋدىڭ ءبىر ءتۇرى. ياعني، بۇل اشۋ مەن قورقىنىشتىڭ تۋىنداۋىنان بولادى» ، -  دەيدى پسيحولوگ كليففورد لازارۋس.

گارۆارد بيزنەس مەكتەبىنىڭ زەرتتەۋشىلەرى فرانچەسكا دجينو، لي حۋانگ جانە ادام گالين وزگە قورىتىندىعى كەلگەن. ولاردىڭ ويىنشا، مىسقىلدى قابىلداي ءبىلۋ قابىلەتى ويلاۋدىڭ ماڭىزدى بولىگىن جەتىلدىرەدى ءارى بەلسەندى ەتە تۇسەدى دەيدى. ولار ادامداردىڭ شىعارماشىلىق قابىلەتتەرىن تەكسەرۋ ماقساتىندا سىناققا قاتىسۋشى 300 ادامعا سۇراقتار قويادى. مىسالى: شوكولاد، التىن جانە ينتەرەردى بايلانىستىراتىن ءبىر ءسوزدى تابىڭىز. دۇرىس جاۋابى -  پليتكا. ءبىراق، مۇنداي سۇراقتارعا بىردەن جاۋاپ بەرۋ قاتىسۋشىلارعا قيىندىق تۋعىزىپتى. كەيىن مىسقىل اڭگىمەدەن سوڭ عانا ساۋالعا جاۋاپ الۋ مۇمكىندىكتەرى ارتا تۇسكەن.

وسىعان ۇقساس ناتيجە «Journal of Applied Psychology» جۋرنالىندا جارىق كورگەن. عالىمدار 375 ستۋدەنتكە بىرنەشە تاپسىرما بەرگەن. تاپسىرما بەرىلمەس بۇرىن ءار ستۋدەنتپەن جەكە كەزدەسىپ، بەتپە- بەت سۇقبات جۇرگىزگەن. كەيبىر سۇقبات كوڭىلدى، اشىق اڭگىمە رەتىندە جۇزەگە اسسا، كەيبىرىندە عالىمدار وزدەرىن اشۋشاڭ، تالاپشىل رەتىندە ۇستاعان. ەكىنشى جاعدايدا عانا ستۋدەنتتەردىڭ بەلسەندىلىگى جوعارى ەكەنى بايقالعان. ويتكەنى، ول كەزدە ستۋدەنتتەر بار نازارىن بەرىلگەن تاپسىرماعا اۋدارعان. دەگەنمەن، مۇنداي جاعدايلاردا جەتىستىككە جەتۋ ءۇشىن ادامداردىڭ مىسقىلدى قابىلداۋ قابىلەتى جوعارى بولۋى ءتيىس. ايتپەسە، توپتا جۇمىس ىستەۋ قيىنعا سوعادى. بۇل ءومىردىڭ زاڭدىلىعى سەكىلدى. تالاپ قويا بىلەتىن ۇستازدىڭ وقۋشىلارى مىندەتتى تۇردە ءبىر نارسەنى مەڭگەرىپ كەتەدى. ال، مىسقىلداۋ ارقىلى سىناۋعا مۇمكىندىك تۋادى. سىن تۇزەلمەي، ءمىن تۇزەلمەيدى. ءسىز مىسقىل اڭگىمەنى قالاي قابىلدايسىز؟

 

Massaget.kz