اۋا رايى
Астана 10 °С
Алматы 10 °С
ۆاليۋتا باعامى
USD 333.03
EUR 392.61
RUB 5.82
CNY 50.54

الماتى وبلىسىندا جەرتولەدە تۇراتىن بەس بالالى وتباسىعا يمامدار ءۇي سالىپ بەردى

الماتى وبلىسىندا جەرتولەدە تۇراتىن بەس بالالى وتباسىعا يمامدار ءۇي سالىپ بەردى
13 قازان 22:09 109

  استانا. قازاقپارات - جاقىندا ءدىني باسقارمانىڭ جانىنداعى «زەكەت» قورى مەن يمامدار الماتى وبلىسى، جالعامىس ەلدى- مەكەنىندە ءومىردىڭ تاۋقىمەتىن تارتقان كوپبالالى وتباسىعا جۇمىلا كوتەرىپ، ءۇي سالىپ بەردى.

كوپبالالى وتباسىنىڭ وتاعاسى اۋىر سىرقاتتىڭ سالدارىنان ەكىنشى توپتاعى مۇگەدەك. بالالارى مەكتەپ جاسىنداعى وقۋشىلار. ەڭ ۇلكەنى ون ەكىدە.

باس ءمۇفتي ەرجان قاجى مالعاجى ۇلى 2 بولمەلى جەرتولەدە تۇرىپ، كۇن كورىپ جۇرگەن وتباسىعا جاڭا ءۇيدىڭ كىلتىن تابىستاپ، جاعدايلارىمەن تانىسىپ، تۇمىسقا قاجەتتى توڭازىتقىش، گاز قازاندىعىن، كىر جۋعىش ماشيناسىن سىي رەتىندە تابىستادى.

باس ءمۇفتي ەرجان قاجى مالعاجى ۇلى اۋىل تۇرعىندارىنىڭ الدىندا ءسوز سويلەپ، وسىنداي قايىرىمدىلىق شاراعا اتسالىسقان يمامدارعا العىسىن ءبىلدىردى.

«بۇل يگى جۇمىس «زەكەت» قورى مەن الماتى وبلىسى وكىلدىگىنىڭ باستاماسىمەن جۇزەگە استى. قۇرىلىس جۇمىستارى رامازان ايىندا باستالىپ، ءتورت ايدىڭ ىشىندە تولىق اياقتالدى.

ءۇيدىڭ جىلۋى، سۋ قۇبىرى قامتاماسىز ەتىلگەن. قينالعان وتباسىلارعا قول ۇشىن سوزىپ، كومەك كورسەتۋ ءار ادامنىڭ بورىشى.

دىنىمىزدەگى قايىرلى امالدىڭ ءبىرى وسى قايىرىمدىلىق. قايىرىمدىلىق جاساعان ادام ەشقاشان جامان بولمايدى «قولى اشىقتىڭ - جولى اشىق» ، - دەيدى.

اللانىڭ بەرگەن ريزىعىنان از دا بولسا ءبىر بولىگىن اللا تاعالانىڭ رازىلىعى ءۇشىن قايىرلى ىستەرگە جۇمساساق، قوعامعا تيەر پايداسى مول. وسى ىسكە اتسالىسقان ازاماتتارعا العىس ايتامىن» ، - دەدى باس ءمۇفتي ەرجان قاجى مالعاجى ۇلى.

جاڭا قونىستىڭ يەسى بولعان وتباسى قۋانىشىن جاسىرا المادى. ايسارا قىدىرنيازوۆا وزبەكستاننان كوشىپ كەلىپ، ون التى جىلدان بەرى پاتەر جالداپ، كەيىن ەكى بولمەلى جەرتولەدە تۇرىپ كەلىپتى. ءۇي سالۋ ونىڭ ورىندالماس ارمانىنداي بولىپ كەتكەن.

«جولداسىم ءتورت جىلدان بەرى سىرقاتتانىپ، جۇمىسقا جاراماي قالدى. جاعدايىمىز قيىنداپ كەتتى. بەس بالام بار. اۋىل يمامى كومەكتەسىپ تۇردى. سوڭعى رەت كەلگەندە ءۇيىمىز بولسا دەپ ۇسىنىس جاسادىق.

ەندى مىنە ءوزىمىزدىڭ ءۇيىمىز بار. جاڭا ۇيگە كىرىپ قۋانىپ جاتىرمىز. بالالاردىڭ مەكتەپكە دايىندىعىنادا يمامدار كومەكتەسىپ جاتىر. كيىم، وقۋ قۇرالدارىمەن قامتاماسىز ەتىپ، كومەكتەستى. وسى ىسكە باستاما بولعان باس مۇفتيگە، الماتى وبلىسىنىڭ وكىلىنە، اۋىل يمامدارىنا العىس ايتامىن» ، - دەدى سايرا قىدىرعاليەۆا.

Stan.kz

باستى سوزدەر: قوعام,
Нашли ошибку? Выделите её и нажмите CTRL+ENTER

پئكئر قالدئرؤ