ەر ادامدار سۇيىكتىسىنەن گورى دوستارىنا جاقىن بولادى - عالىمدار
ۆينچەستەر ۋنيۆەرسيتەتىنىڭ عالىمدارى 30 ستۋدەنتتىڭ اراسىندا (توپ ايتارلىقتاي بىرتەكتى - بىرەۋىنەن باسقاسىنىڭ ءبارى اق ءناسىلدى جانە سپورتپەن بايلانىستى ءبىلىم الادى) ساۋالناما جۇرگىزدى. بەلگىلى بولعانداي، ولاردىڭ 28 ى ەموتسيونالدى پروبلەمالارىن سۇيىكتىسىمەن ەمەس، دوستارىمەن تالقىلاعاندى قۇپ كورەدى ەكەن. سونداي- اق، باسىم بولىگى داۋ- جانجالدى ەركەكتەرمەن شەشكەن وڭاي ەكەنىن جانە قىزىنان جاسىراتىن قۇپيالاردى دوستارىنا ايتۋعا دايىن ەكەنىن مالىمدەدى.
«ماسەلەن، تيم، مەنىڭ تەيلور سۆيفت پەن بەيونسەنى جاقسى كورەتىنىمدى بىلەدى، ءبىراق سۇيىكتىمە مەن مۇنى ايتپايمىن ارينە. سەبەبى كەيىن ول مەنى وسى ءۇشىن سوگەدى. مەنىڭشە، مەن ونىڭ قاسىندا ءوزىمدى ناعىز ەركەك رەتىندە ۇستاۋىم كەرەك» ، - دەيدى حارۆي ەسىمدى ستۋدەنت.
بۇعان قوسا، ەر ادامدار دوستارىمەن قۇشاقتاسۋدان جانە قوناق كەلگەندە ءبىر توسەكتە ۇيىقتاۋدان ەش قىسىلمايدى.
زەرتتەۋ اۆتورلارىنىڭ ايتۋىنشا، سوڭعى جىلدارى قوعامنىڭ مەيلىنشە اشىق بولۋى گەتەروسەكسۋالدى ەر ادامدارعا ءوز سەزىمىن جاسىرماۋعا مۇمكىندىك بەردى.
دوكتور ستەفان روبينسوننىڭ پىكىرىنشە، ەر ادامداردىڭ اراسىنداعى جاقىن ءارى اشىق دوستىق ايەلدەرمەن ۇزاق مەرزىمدى قارىم- قاتىناسقا قاۋىپ توندىرەدى.
«بۇل گەتەروسەكسۋالدى ميللەنيال- ەر ادامدار (1981 -جىلدان كەيىن تۋىپ، جاس كەزدەرىندە جاڭا مىڭجىلدىقتى قارسى العاندار - رەد. ) دوستارىن الپەشتەيتىنى سونشالىق، مۇنىڭ سوڭى ءداستۇرلى گەتەروسەكۋالدى قارىم- قاتىناستار ءۇشىن ۇلكەن پروبلەماعا اينالۋى مۇمكىن» ، - دەيدى ول.
قازىرگى جاستاردىڭ كەش ەسەيىپ، ءبىر- بىرلەرىنە قاتتى ىنتىق بولماسا دا، كەزدەسىپ جۇرە بەرەتىنىن ەسكەرسەك، گەتەروسەكسۋالدى ەر ادامدار سۇيىكتىسىمەن ەمەس، دوستارىمەن بىرگە تۇرعاندى قۇپ كورەدى، دەيدى دوكتور.
سونداي- اق ول قازىرگى جاعداي گەندەرلىك تەڭسىزدىك پروبلەماسىن مۇلدە شەشپەيتىنىنە نازار اۋداردى.
«ايەلدەر ءۇشىن بۇل وتە كۇردەلى جانە ۇرەي تۋعىزاتىن ناتيجە. مۇنداي ەر ادامدار ايەلدەردى، ەڭ اۋەلى، ولاردىڭ ءجۇرىس- تۇرىسىن باقىلاپ وتىراتىن ادام رەتىندە قابىلدايدى. ءتىپتى كەيبىر جاعدايلاردا ولار ايەلدەردى وسى ءۇشىن جەك كورىپ كەتكەن» ، - دەپ ءتۇسىندىردى روبينسون.
Baq.kz