قازاقستاننىڭ ەت ەكسپورتى نەگە ورىندالماي جاتىر
ق ر اۋىل شارۋاشىلىعى مينيسترلىگى مال شارۋاشالىعى دەپارتامەنتىنىڭ ديرەكتورى ازامات ساعىنبايەۆتىڭ ايتۋىنشا، وسى ۋاقىتقا دەيىن 3,4 مىڭ توننا سىرتقا ساتىلدى. «ەندى، ونىڭ وزىندىك سەبەپتەرى دە بار. بىرىنشىدەن، ءبىزدىڭ نەگىزگى تۇتىنۋشىمىز - رەسەي فەدەراتسياسى. ول جاقتا ءرۋبلدىڭ باعامى وزگەردى. سودان كەيىن ءبىزدىڭ سيىر ەتىمىز قىمبات بولىپ كەتتى، قايتا وزدەرىنىكى ارزانعا تۇسە باستادى. ەكىنشىدەن، اتىراۋ وبلىسىندا نودۋليارلىق دەرماتيت انىقتالعان بولاتىن. ول دا كەرى اسەر ەتتى» ، - دەيدى ساعىنبايەۆ.
ونىڭ سوزىنە قاراعاندا، نودۋليارلىق دەرماتيتكە بايلانىستى قىتاي جاق ءالى جابىق. ۆەتەرينارلىق باقىلاۋ كوميتەتى ءتيىستى جۇمىستاردى جۇرگىزىپ جاتىر. جاقىن ارادا وسى باعىتتاعى ەكسپورت اشىلادى دەگەن ءۇمىت بار. ايتا كەتەيىك، بۇگىن مينيسترلىك ءتورت تۇلىكتىڭ سانىنا قاتىستى مالىمەتتەردى جاريالادى.
اۆتور: ارمان اسقاروۆ