اسىلحان تۇرار ۆەلوترەكتەن ازيا كۋبوگىن جەڭىپ الدى
ءۇش مەدال العان قازاقستاندىق سپورتشىلار سپورتتىڭ وسى تۇرىنەن ازيا كوشباسشىلارىنىڭ ءبىرى ەكەندىگىن دالەلدەدى، دەپ حابارلايدى قازاقپارات قازاقستاننىڭ ۆەلوسپورت فەدەراتسياسىنىڭ باسپا ءسوز قىزمەتىنە سىلتەمە جاساپ.
ۆەلوجارىستاردىڭ قيىن ءتۇرى سانالاتىن ومنيۋم بايگەسىندە سكرەتچ، تەمپو، ەليميناتور جانە ۇپاي جارىستارى بويىنشا ۆەلوسيپەد تەپكەن 20 جاستاعى قازاقستاندىق سپورتشى اسىلحان تۇرار جەڭىمپاز اتاندى. ول «كورول بايگەسىنىڭ» ءبىرىنشى جانە سوڭعى كەزەڭدەرىندە جەڭىسكە جەتىپ، تەمپودا قىتايلىق ليان گۋونى، ال ەليميناتوردا وزبەكستاندىق رۋسلان فەدوروۆتى العا جىبەرىپ الدى. اسىلحان تۇرار جالپى بايگەنى ەسەپتەگى ءىرى باسىمدىقپەن اياقتادى - ا ق ش- تان بارعان لەمبي ەشتون مەن قىتاي سپورتشىسى ليان گۋودان 14 ۇپايعا وزىپ كەتتى. ءبىر كۇن بۇرىن اسىلحان تۇرار جەكە بايگەدە ازيا كۋبوگىنىڭ قولا مەدالىن العان بولاتىن، ال كوماندالاسى ۆلاديمير سوي ۇپاي بايگەسىندە ەكىنشى ورىندى يەلەنىپ، قازاقستان دەلەگاتسياسىنىڭ قورجىنىنا ءبىر كۇمىس سالدى.