عىلىم نە دەيدى: جۇگىرۋدىڭ ميعا تاڭعاجايىپ پايداسى تۋرالى بىلە ءجۇرىڭىز

استانا. قازاقپارات - شىعارماشىلىق قۇلدىراۋعا ۇشىراعان بولساڭىز، جۇگىرىڭىز. دۇرىس شەشىم قابىلداي الماي تۇرساڭىز، جۇگىرىڭىز. مۇڭايىپ، جىلاپ وتىرساڭىز، جۇگىرىڭىز. جۇگىرۋدى جاقسى كورەتىن سپورتشىلار بارلىق سۇراققا وسىلاي جاۋاپ بەرەدى.

بۇل تۋرالى nogibogi.com باسىلىمى حابارلايدى.

جۇگىرۋدەن كەيىن ادام ءوزىن جاڭا تۋعان بالاداي سەزىنەدى. بۇل سوزدەردى عىلىم دا قوشتايدى. سوڭعى 30 جىلدان بەرى نەيروبيولوگ ماماندار جۇگىرۋدىڭ ادام ميىنا قانداي پايداسى بار ەكەنىن انىقتاۋعا تىرىسىپ ءجۇر. وسى ۋاقىت ىشىندە ولار اەروبيكالىق جاتتىعۋلار مەن ميدىڭ تىڭ بولۋىنىڭ اراسىندا ۇلكەن بايلانىس بار ەكەنىن انىقتاعان.

«سوڭعى 8  جىلدا قابىلداعان ماڭىزدى شەشىمدەرىمنىڭ دۇرىس بولۋىنا جۇگىرۋ سەپتىگىن تيگىزگەن بولاتىن»، - دەيدى كينورەجيسسەر ءارى بلوگەر كەيسي نەيستات «Runner's World» جۋرنالىنا بەرگەن سۇحباتىندا.

ال تاعى ءبىر سپورتشى مونتە دەۆيس جۇگىرۋدىڭ الدەقايدا قيىن ەكەنىن ايتقان بولاتىن. مۇنىمەن قاتار، جۇگىرۋ كەزىندە ميىندا ءبىر ەرەكشە ايقىندىلىقتىڭ پايدا بولاتىنىن ايتقان- دى. جۋىردا نەيروبيولوگ ماماندار ادامنىڭ ميىندا ساناۋلى جۇيكە تالشىقتارىنىڭ بار ەكەنى تۋرالى ايتا باستاعان بولاتىن. ادام بەلگىلى ءبىر جاسقا تولعاننان كەيىن جاڭا جاسۋشالاردىڭ پايدا بولۋى توقتايدى ەكەن. سول سەبەپتى، بۇل سالادا ەڭ ماڭىزدى اشىلۋلاردىڭ ءبىرى - نەيروگەنەزيس.

جانۋارلارعا جۇرگىزىلگەن تاجىريبە ناتيجەسىندە ميدا جاڭا جاسۋشالاردىڭ ءومىر بويى پايدا بولا بەرەتىنى انىقتالعان. ال جاڭا جاسۋشالاردىڭ پايدا بولۋىنا اەروبيكالىق جاتتىعۋلار كومەكتەسەدى. جاتتىعۋلار ناتيجەسىندە ادامنىڭ ەستە ساقتاۋ قابىلەتى جاقسارادى ەكەن. ياعني گيپپوكامپتە جاڭا جاسۋشالار پايدا بولادى.

«ءار 30-40 مينۋت جاتتىعۋدان كەيىن ميىڭىزدا جاڭا جاسۋشالار پايدا بولىپ، ەستە ساقتاۋ قابىلەتى جاقسارادى»، - دەيدى امەريكا نەيروپسيحولوگيا كلينيكالىق اكادەمياسىنىڭ پرەزيدەنتى كارەن پوستال.