14:47, 13 - قازان 2017 | GMT +6
ەلىمىزدە ميزام شۋاق كوپكە سوزىلمايدى
استانا. قازاقپارات - قازگيدرومەت 14-16 - قازان دەمالىس كۇندەرىنە اۋا رايى بولجامىن جاريا ەتتى، دەپ حابارلايدى قازاقپارات.
«قازاقستان تەرريتورياسىنا جىلى جانە جاۋىن- شاشىنسىز اۋا رايىن اكەلگەن انتيتسيكلون ءوتىپ بارادى. ونىڭ سوڭىنان باتىس وڭىردەن اتموسفەرلىق اعىندار كەلەدى جانە شىعىسقا قاراي جىلجۋ كەزىندە كەي جەرلەردە جاڭبىر جاۋادى»، - دەلىنگەن حابارلامادا.
تروپوسفەرادا وڭتۇستىك- باتىس اعىنداردىڭ جانە تاياۋ شىعىس اۋداندارىنان اۋا ماسسالارىنىڭ كەلۋى ساقتالادى، سول سەبەپتەن اعىنداردىڭ وتۋىنە بايلانىستى تەمپەراتۋرانىڭ كۇرت تومەندەۋى كۇتىلمەيدى، دەپ ءمالىم ەتتى سينوپتيكتەر.