قىرعىزستان پرەزيدەنتتىگىنە ۇمىتكەر سايلاۋعا قاتىسپايتىنىن مالىمدەدى

بىشكەك. قازاقپارات - ازىمبەك بەكنازاروۆ كەشە كەشكە بولعان تەلەۆيزيالىق پىكىرتالاس كەزىندە پرەزيدەنت لاۋازىمىنا تالاسۋدان باس تارتقانىن مالىمدەدى، دەپ حابارلايدى «قازاقپارات» ح ا ا ءتىلشىسى.

«فينالعا جاقىن قالعاندا ۇمىتكەرلەردىڭ باعدارلامالارى، يدەيالارى، پلاتفورماسى ەمەس، ولاردىڭ اقشالارى عانا مانگە يە بولىپ قالدى. سوندىقتان مەن سايلاۋعا قاتىسپايمىن دەپ شەشتىم»، - دەدى ساياساتكەر.

الايدا، ورتالىق سايلاۋ كوميسسياسى بەكنازاروۆتى تىزىمنەن الىپ تاستاي المايدى. سەبەبى ول و س ك- عا سايلاۋعا قاتىسپاۋ تۋرالى ءوتىنىشتى ءۇش كۇن قالعاندا، بەيسەنبى كۇنى بەرۋ كەرەك بولعان. ءبىراق، ازىمبەك بەكنازاروۆتان ونداي ءوتىنىش تۇسپەگەن. سوندىقتان ۇمىتكەردىڭ تەگى بيۋللەتەندەردەن الىنىپ تاستالىنبايدى، زاڭنامالىق تۇرعىدان ول پرەزيدەنت لاۋازىمىنا ۇمىتكەر بولىپ قالا بەرمەك. وسىلايشا، قىرعىزستان پرەزيدەنتى سايلاۋىنا قاتىسۋعا دايىن 10 ۇمىتكەر قالدى. داۋىس بەرۋ 2017 -جىلدىڭ 15 -قازانىنا بەلگىلەنگەن.