اۋا رايى
Астана 10 °С
Алматы 10 °С
ۆاليۋتا باعامى
USD 333.03
EUR 392.61
RUB 5.82
CNY 50.54

نۇرلان ەرمەكبايەۆ ماسكەۋ جانە بۇكىل رەسەي حريستان دىنباسىمەن كەزدەستى - فوتو

نۇرلان ەرمەكبايەۆ ماسكەۋ جانە بۇكىل رەسەي حريستان دىنباسىمەن كەزدەستى - فوتو
13 قازان 11:09 736

استانا. قازاقپارات - رەسەي فەدەراتسياسىنا جۇمىس ساپارى اياسىندا قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ بۇكىل رەسەي جانە ماسكەۋ پاتريارحى كيريللمەن كەزدەستى، دەپ حابارلايدى اتالمىش ۆەدوموستۆونىڭ باسپا ءسوز قىزمەتى.

كەزدەسۋ بارىسىندا نۇرلان ەرمەكبايەۆ رەسەي جانە ماسكەۋ پاتريارحىن قازاقستان رەسپۋبليكاسى مەن رەسەي حالىقتارىنىڭ اراسىنداعى بەيبىتشىلىك، دوستىق پەن ىنتىماقتاستىقتى نىعايتۋ جولىنداعى ەڭبەگى ءۇشىن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ تابىستاعان ءبىرىنشى دارەجەلى «دوستىق وردەنى» مەملەكەتتىك ناگراداسىنا يە بولۋىمەن قۇتتىقتادى.

«بۇگىنگى كۇنى بارلىق كونفەسسيالاردىڭ ءوزارا تۇسىنىستىك پەن اشىق ديالوگ نەگىزىندەگى ىنتىماقتاستىعى ءبىزدىڭ باستى جەتىستىكتەرىمىزدىڭ ءبىرى بولىپ تابىلادى جانە بۇنى قازاقستاننىڭ ايتۋلى تابىسى دەپ ايتۋعا بولادى. ارينە، وسىنداي قارىم- قاتىناستاردى ورناتۋ وڭايعا تۇسپەدى، كونفەسسياارالىق ءتيىمدى ديالوگقا قول جەتكىزۋدە ەكى جەتەكشى ءدىن - يسلام حانافي مازحابى جانە پراۆوسلاۆيە ەرەكشە ءرول اتقارادى»، - دەدى ن. ەرمەكبايەۆ.

مينيستر قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى بارلىق ءدىني بىرلەستىكتەرمەن كونسترۋكتيۆتى ديالوگ ورناتقانىن جانە ونىڭ ىشىندە ورىس پراۆوسلاۆيە شىركەۋىنە جانە ونىڭ جۇمىسىنا قولداۋ تانىتاتىنىن اتاپ ءوتتى.


نۇرلان ەرمەكبايەۆ ماسكەۋ جانە بۇكىل رەسەي حريستان دىنباسىمەن كەزدەستى - فوتو

«ءبىز زاڭنامانى جەتىلدىرۋ، ازاماتتىق قوعامدى دامىتۋ، ءدىني بىرلەستىكتەرمەن تىعىز قارىم- قاتىناس ورناتۋ ارقىلى مەملەكەتتىك ساياساتتى جۇزەگە اسىرامىز»، - دەدى مينيستر.

نۇرلان ەرمەكبايەۆ قازىرگى زاماناۋي تالاپتارعا سايكەس كونفەسسياارالىق جانە ءدىنارالىق ديالوگتىڭ دامۋى، ادام مەن قوعامنىڭ ءداستۇرلى مورالدىق- ادامگەرشىلىك قۇندىلىقتارىنىڭ ساقتالۋى، مەملەكەتتىك ساياسات قاعيدالارىن قۇرمەتتەۋ تۇرعىسىندا اتقارىپ وتىرعان ورىس پراۆوسلاۆيە شىركەۋىنىڭ جۇمىسىن جوعارى باعالادى. سونداي-اق مينيستر، ورىس پراۆوسلاۆيە شىركەۋىنىڭ وكىلدەرىنە استانادا وتكەن ءدىنارالىق فورۋمداردىڭ جۇمىسىنا ۇنەمى قولداۋ كورسەتىپ، بەلسەندى قاتىسقانى ءۇشىن العىسىن ءبىلدىردى.

 

باستى سوزدەر: ئقپالداستئق, الةم, ءبىلىم جانە عىلىم, ءدئن,
Нашли ошибку? Выделите её и нажмите CTRL+ENTER

پئكئر قالدئرؤ