قازاقستاننان شىققان كاسىپكەر ومبى مەرى بولۋى ىقتيمال

استانا. قازاقپارات - سامات ءشارىپوۆ ومبى مەرى سايلاۋىنا قاتىسۋ ءۇشىن ءوتىنىش بەرگەن. 12 - قازان كۇنى تاڭەرتەڭ ءۇش ادام ءوتىنىش بەرگەن، دەپ حابارلايدى «قازاقپارات» ح ا ا ءتىلشىسى «سۋپەرومسك» - قا سىلتەمە جاساپ.

  ءۇش ۇمىتكەردىڭ ءبىرى - سامات ءشارىپوۆ قازاقستاندا كاسىپكەرلىكپەن اينالىسقان. ول ومبىداعى ءى ءى م اكادەمياسىن ءتامامداعان. وقۋدى اياقتاعاننان كەيىن تەرگەۋشى بولىپ جۇمىس ىستەگەن. ودان كەيىن كوممەرتسيالىق سالاعا اۋىسىپ، كورشى رەسپۋبليكاعا كوشىپ كەتكەن. قازىر كاسىپكەر رەسەيدە جەرگىلىكتى كومپانيانىڭ ساتىلىم جونىندەگى ديرەكتورى قىزمەتىن اتقارۋدا. ۇمىتكەرلەردى ىرىكتەۋ جالعاسىپ جاتىر. الدىن الا جوسپار بويىنشا، سايلاۋ 2017 -جىلدىڭ 17 - قاراشاسىندا ومبى قالالىق كەڭەسىنىڭ وتىرىسىندا وتەدى. سايلاۋعا تۇسۋگە ءۇمىتتى جاندار 31 - قازانعا دەيىن ءوتىنىش بەرە الادى.