08:34, 13 - قازان 2017 | GMT +6
اشۋعا بۋلىققان جىگىت مۇگەدەك اربادان تۇرىپ كەتتى
استانا. قازاقپارات - فرانسيانىڭ ۆيلنيەۆ- تولوزان قالاسىنىڭ تۇرعىنى دوسىنا قاتتى اشۋلانعاندىقتان مۇگەدەك ارباسىنان وزدىگىمەن تۇرىپ كەتكەن، دەپ جازادى 20 Minutes.
ارباعا تاڭىلعان جىگىت دوسىنىڭ ۇيىندە ينتەرنەتكە قوسۋعا بايلانىستى كيكىلجىڭگە كەلىپ قالعان. اشۋعا قاتتى بەرىلگەن اربادا وتىرعان جىگىت ورنىنان تۇرىپ، قاسىندا جاتقان بالتانى الىپ، دوسىن قۋا جونەلگەن. دوسى مۇگەدەك جىگىتتەن اۆتوبۋسقا وتىرىپ جان ساۋعالاعان.
كەشكە قاراي مۇگەدەك دوسىنان قاشقان جىگىت ءوز ۇيىنە ورالعان. ءتۇننىڭ ورتاسىندا مۇگەدەك جىگىت قايتىپ كەلىپ، ونىڭ قايتادان مازاسىن العان. الايدا وقيعا ورنىنا پوليتسيا جەتىپ، جاعداي رەتتەلدى.
ايتا كەتەيىك، جىگىتتىڭ مۇگەدەك ارباسىنان قالاي تۇرىپ كەتكەندىگىن ەشكىم ءتۇسىندىرىپ بەرە الماعان. تەك ونىڭ ەسىرتكى زاتىن پايدالانعاندىعى انىقتالدى.