اۋا رايى
Астана 10 °С
Алматы 10 °С
ۆاليۋتا باعامى
USD 333.03
EUR 392.61
RUB 5.82
CNY 50.54

پاكىستاندا ماتامەن عانا قورشالعان مەكتەپ اشىلدى

پاكىستاندا ماتامەن عانا قورشالعان مەكتەپ اشىلدى
13 قازان 08:18 967

استانا. قازاقپارات - پاكىستان تەگىن مەكتەپ پاكىستاندا وزگەلەرگە ۇلگى بولارلىقتاي يگى ءىس قولعا الىندى.

ەلدىڭ ەڭ ءىرى قالاسى كاراچيدە تەگىن مەكتەپ جۇمىس ىستەپ تۇر، دەپ حابارلايدى حابار 24.

وندا تۇرمىس جاعدايى تومەن وتباسىلاردىڭ بالالارى وقيدى. ازىرگە ۇل-قىزدار عيماراتتىڭ ىشىندە ەمەس، كوشە بويىندا ءبىلىم الۋعا ءماجبۇر. كولىك قوزعالىسى مەن وزگەلەر كەدەرگى ەتپەس ءۇشىن وقۋ ورنى ماتامەن قورشالعان. سوعان قاراماستان ەرىكتىلەر ىنتاسى زور ەكەنىن ايتادى. نەگىزى پاكىستاننىڭ وزگە قالالارىندا دا وسىنداي جوبالار ىسكە قوسىلعان ەكەن. ءسويتىپ قازىر 200 مىڭ بالا تەگىن ءبىلىم الىپ وتىر. ولاردىڭ تەڭ جارىمى: 5-16 جاس ارالىعىنداعى قىزدار.

«اتا-انام مەنى مەكتەپكە جىبەرە المايدى. ويتكەنى وتباسىمىزدا بالا كوپ. پاتەر جالداپ تۇرامىز. سوندىقتان انام تەگىن مەكتەپ تۋرالى ەستىپ، بىردەن مەنى سوندا جىبەردى. ماعان اسىرەسە ۋردۋ ءتىلىن وقىعان ۇنايدى. بولاشاقتا اسكەرگە بارىپ، وتان الدىنداعى مىندەتىمدى اتقارعىم كەلەدى»، - دەيدى وقۋشى شاگۋفتا نافيس.

باستاما تۋرالى جوبا اۆتورى مەكتەپتى جامان ىستەردەن اۋلاق بولۋ ءۇشىن اشقاندىعىن جەتكىزدى.

«بىزدە وقيتىن بالالاردىڭ كوبى كەزىندە قايىر تىلەگەن نەمەسە قىلمىسپەن اينالىسقان. ولار مۇنداي جامان ىستەردەن اۋلاق بولۋ ءۇشىن مەكتەپ اشتىق. الايدا جەتكىنشەكتەردى ارام ويلارىن ىسكە اسىرۋ ءۇشىن پايدالانىپ كەلگەن قاسكويلەر بىزگە بارىنشا كەدەرگى كەلتىرۋگە تىرىسىپ جاتىر»، - دەدى جوبا اۆتورى سەيد انفاس ءالي شاح زايدي.

 

باستى سوزدەر: الةم, ءبىلىم جانە عىلىم,
Нашли ошибку? Выделите её и нажмите CTRL+ENTER

پئكئر قالدئرؤ