الماتىدا اقپاراتتىق تەحنولوگيالاردى دامىتۋعا ارنالعان كۆارتال اشىلدى
اۋدانى 17000 شارشى مەتر بولاتىن الاڭ «اقپاراتتىق تەحنولوگيالار پاركى» بازاسىندا ورنالاسقان. جىلدىڭ سوڭىنا دەيىن 10 IT كومپانيا مەن 15 ستارتاپ جوبا ورتالىقتىڭ رەزيدەنتى بولىپ ۇلگەرەدى.
2018 -جىلى بۇل جوبالاردىڭ سانىن ەكى ەسەگە جەتكىزۋ جوسپاردا بار. « IT كۆارتال قالادا اتالعان باعىتتاعى كومپانيالاردىڭ ءبىر جەرگە شوعىرلانۋىنا مۇمكىندىك جاسايدى. بۇل الاڭ جاسامپازدارعا، يننوۆاتور ادامدارعا ارنالعان. كەزەڭ كەزەڭىمەن يندۋستريا 4.0، ماشينا جاساۋ مەن جاڭا ماتەريالدار باعىتتارى بويىنشا ۋاكىلەتتى ورتالىقتار اشاتىن بولامىز. سونىمەن قاتار ارنايى ەكونوميكالىق ايماق بازاسىندا گەولوگيالىق كلاستەر سالۋ ويدا بار. بۇعان ءىرى كەن ءوندىرىسى ماگناتتارىنان ينۆەستيتسيا تارتۋ كوزدەلگەن»، - دەدى Almaty Tech Garden ديرەكتورى سانجار كەتتەبەكوۆ.
الاڭدا ورنالاسقان ستارتاپتار IBM, ARM, Autodesk, 1С تاعى باسقا ارنايى الاڭداردىڭ اقپاراتتىق تەحنولوگيالارىن پايدالاناتىن بولادى. سونىمەن قاتار، اقپاراتتىق تەحنولوگيالار بازاسىندا ورنالاسقاندىقتان ستارتاپتار جەر، مۇلىك، الەۋمەتتىك سالىقتاردان بوساتىلادى. ورتالىقتى Almaty Tech Garden اۆتونومدى كلاستەرى قازاقستان ۇكىمەتىنىڭ اقپاراتتىق كوممۋنيكاتسيالىق تەحنولوگيا سالاسىن دامىتۋ مەن قازاقستاننىڭ سيفرلى ترانسفورماتسياسى اياسىندا اشتى. ءبىراق جوبالاردى قارجىلاندىرۋعا جەكە ينۆەستورلار تارتىلعان.
اۆتور: گۇلميرا عوسمانالي