الماتىدا اسىل تۇقىمدى سايگۇلىكتەردىڭ كورمەسى ءوز جۇمىسىن باستادى - فوتو
ناقتىراق ايتقاندا، تۇركى حالىقتارى مەن ۇندىستەردىڭ اڭىزىنداعى كەيىپكەرلەر مەن ارعىماقتار كورەرمەن كوزايمىنا اينالدى. قويىلىمنىڭ رەجيسەرى - رەسەيدەن كەلگەن «Natural Horsemanship» شەبەرى الەكسەي بەركوۆ. جيىندا ەڭ كىشكەنتاي پوني دە كورسەتىلدى. «گۋليۆەر» اتتى پونيدىڭ قازىرگى ۋاقىتتاعى بويى بار- جوعى 45-اق سانتيمەتر. بيىل ەكىنشى رەت ۇيىمداستىرىلىپ وتىرعان «KazEqui-2017» جىلقىلار كورمەسىن وتكىزۋگە بيىل شاڭحاي ىنتىماقتاستىعى ۇيىمىنىڭ ىسكەرلىك كەڭەسى مەن قازاقستان حالقى اسسامبلەياسى، ەۋرازيا ايەلدەرىنىڭ اليانسى قولداۋ بىلدىرگەن. شارانىڭ اشىلۋىندا قازاقستان حالقى اسسامبلەياسى ءتوراعاسىنىڭ ورىنباسارى، ق ر پرەزيدەنتى اكىمشىلىگىندەگى ق ح ا حاتشىلىعىنىڭ مەڭگەرۋشىسى دارحان مىڭباي قۇتتىقتاۋ ءسوز سويلەپ، شاراعا قاتىسۋشىلارعا ساتتىلىك تىلەدى.
«ءبىز شارانى جىل سايىن ۇيىمداستىرىپ تۇرۋدى جوسپارلاپ وتىرمىز. قازاقستان جىلقىنى ەرتە عاسىرلاردا تىزگەندەي بىلگەن ەل سانالادى، سوندىقتان بولار شاراعا دەگەن قىزىعۋشىلىق جىلدان جىلعا ارتىپ كەلەدى»، - دەدى «Chamberlain» كلۋبىنىڭ جەتەكشىسى مارينا بۋكانوۆا.
ايتا كەتەيىك، جىلقىلار شوۋى الداعى سەنبى، جەكسەنبى كۇندەرى جالعاسادى. بۇل كۇندەرى الماتىلىقتار مەن قالا قوناقتارى اراب سايگۇلىكتەرىنىڭ جارىسىن تاماشالاي الادى. جەڭىمپاز تازا تۇقىمدى اراب جىلقىسىنىڭ قۇلىنىن الادى. شوۋعا شەتەلدەن كەلگەن ساراپشىلار قازىلىق ەتەدى. ناقتىراق ايتقاندا، ولار: يرينا ستيگلەر (يتاليا)، يان كاليس (گوللانديا)، يگور بوچكاريەۆ (رەسەي)، نۇرلان تىلەۋلەسوۆ (قازاقستان).
اۆتور: الماس مۇقاش ۇلى
