قازاقستان تاۋەلسىزدىك العاننان بەرى كومەككە مۇقتاج ەلدەن دونور مەملەكەتكە اينالدى
ءمينيستردىڭ ايتۋىنشا، وسى عاسىردىڭ ورتا شەنىنە قاراي، قازاقستان الەمنىڭ ەكونوميكاسى باسەكەگە قابىلەتتى 30 ەلىنىڭ قاتارىنا ەنۋدى كوزدەپ وتىر. بۇل جەتىستىكتەر قازاقستاندى تاۋەلسىزدىك العاننان بەرى كومەككە مۇقتاج ەلدەن دونور مەملەكەتكە اينالدىرعان. بۇعان قوسا، قايرات ءابدىراحمانوۆ مەملەكەتتىڭ حالىقارالىق ارەنادا ماڭىزدى ءرول اتقارىپ كەلە جاتقانىن ايتىپ ءوتتى. مينيستر ءوز سوزىندە پرەزيدەت نۇرسۇلتان نازاربايەۆتىڭ 1992 -جىلى ب ۇ ۇ- دا ءبىرىنشى رەت ءسوز سويلەگەن كەزىندە- اق وزىق ديپلوماتيانى - «باس اسسامبلەيانىڭ ءتوراعاسى مەن ب ۇ ۇ باس حاتشىسى وزدەرىنىڭ باستى باسىمدىعى دەپ جاريالاعان يدەيانى» قولداعانىن ەسكە سالدى.
قايرات ءابدىراحمانوۆ قازاقستاندا بيلىك تارماقتارىنىڭ قۇزىرىن قايتا ءبولىپ بەرەتىن كونستيتۋتسيالىق رەفورما جۇرگىزىلىپ جاتقانىن جەتكىزدى. قازاق تاراپىنىڭ ويىنشا، ۇيىمنىڭ مۇمكىندىكتەرى مەن «قاۋىپسىزدىك جانە دامۋ» كونسەپتسياسىن كەڭەيتەتىن ب ۇ ۇ- نىڭ رەفورمالارىن قازاقستان قولدايدى.
«تۇراقتى دامۋ بەيبىتشىلىكسىز ىسكە اسپايدى» ، - دەدى ق. ءابدىراحمانوۆ.
مينيستر ءسوز سوزىندە قازىرگى الەمدە «يادرولىق قارۋلار بايلىق پەن قاۋىپكە اينالعانىن» اتاپ ءوتتى. ءبىر كەزدەرى اۋماعىندا يادرولىق قارۋلار سىناعى وتكىزىلگەن پوليگونى بولعان ەل رەتىندە قازاقستان ادامزات ءۇشىن بۇل قاۋىپتىڭ كوزىن جويۋ - ماڭىزى ەڭ الدىڭعى قاتارلى تاپسىرما دەپ ەسەپتەيدى. استانا يادرولىق قارۋلارمەن سىناقتاردى وتكىزۋگە تولىق تىيىم سالۋ، بارلىق ارسەنالداردى قۇرتۋ دۇرىس دەپ ەسەپتەيدى. مينيستر ك ح د ر- دى يادرولىق باعدارلاماسىنان باس تارتىپ، حالىقارالىق بىرلەستىكتەردىڭ وزىنە دەگەن سەنىمىن قايتا قالپىنا كەلتىرەتىندەي شارالاردى قابىلداۋعا شاقىردى.
قازاقستان سونىمەن قاتار، جاھاندىق تەرروريزمگە قارسى كۇرەستى حالىقارالىق دارەجەدە كۇشەيتۋدى قولدايدى. مينيستر ءسوز سوزىندە استانا تەرروريزمگە قارسى ب ۇ ۇ- نىڭ ورتالىق ازياداعى جاھاندىق ستراتەگياسىنا 300 مىڭ ا ق ش دوللارىن ءبولىپ وتىرعانىن ەسكە سالدى.
قايرات ءابدىراحمانوۆ قازاقستان مەن ب ۇ ۇ اراسىندا بىتىمگەرشىلىك، تۇراقتى دامۋ ماقساتتارىن جۇزەگە اسىرۋ، عىلىم مەن تەحنولوگيانى دامىتۋ جانە تاعى باسقا سالالارداعى سەرىكتەستىك بارىن ايتىپ ءوتتى. سونىمەن قاتار، مينيستر قازاقستاننىڭ جۇزدەگەن ۇلت بەيبىت ءارى دوستىقتا ءومىر ءسۇرىپ جاتقان كوپ ۇلتتى مەملەكەت ەكەنىن تىلگە تيەك ەتتى.
اۆتور: ايان بەكەن ۇلى