ۇكىمەت ۇستازداردىڭ تابىسىن قالاي كوتەرۋ قاجەتتىگىن ويلاستىرۋى ءتيىس - توقايەۆ
«مەكتەپتەگى ءبىلىمنىڭ دامۋىنا تەجەۋشى بولىپ وتىرعان فاكتور - ۇستاز كاسىبى مارتەبەسىنىڭ تومەن بولۋى. بۇگىندە ءبىلىم بەرۋ سالاسى قىزمەتكەرلەرىنىڭ جالاقىسى ەڭ تومەنگى جالاقى دەڭگەيىندە قالىپ وتىر. ول رەسپۋبليكالىق ورتاشا دەڭگەيدىڭ 66 پايىزىن قۇرايدى. ۇكىمەت ەكونوميكالىق مۇمكىنشىلىكتەردى ەسكەرە وتىرىپ، ۇستازداردىڭ تابىسىن قالاي كوتەرۋ قاجەتتىگىن ويلاستىرۋى ءتيىس. بۇل وتە ماڭىزدى. سەبەبى مەكتەپتەگى رەفورمالاردىڭ تابىستى بولۋى پەداگوگيكالىق جوعارى وقۋ ورىندارىنا تىكەلەي بايلانىستى»، - دەدى سەنات سپيكەرى. سونىمەن قاتار ول بىلىكتىلىگى جوعارى ءارى ىنتالاندىرىلعان ۇستاز ورتا ءبىلىم بەرۋ جۇيەسىنىڭ تابىستى بولۋىنىڭ كەپىلى ەكەندىگىن باسا ايتتى.
«ءبىز مۇعالىمدەردى مەملەكەتتىك ناگرادالارمەن، سىياقىلارمەن بەلسەندى ىنتالاندىرىپ، ولاردىڭ ەڭبەگىن بۇقارالىق اقپارات قۇرالدارىندا ناسيحاتتاۋعا ءتيىسپىز»، - دەدى قاسىم- جومارت توقايەۆ.
اۆتور: مارلان جيەمباي