قازاقستان قىتايلىق ءشانشي پروۆينتسياسىمەن ىنتىماقتاستىقتى نىعايتادى
كەزدەسۋ بارىسىندا تاراپتار «نۇرلى جول» جانە «ءبىر بەلدەۋ، ءبىر جول» باستامالارىن، قازاقستان وبلىستارى مەن ءشانشي پروۆينتسياسى اراسىنداعى وڭىرلىك ءوزارا ىقپالداستىق پەن بايلانىستاردىڭ دامۋى ماسەلەلەرىن تالقىلادى. سونىمەن قاتار، اۋىل شارۋاشىلىعى، عىلىمي- تەحنيكالىق، ترانزيتتىك- تاسىمالداۋ بايلانىستارى، باقىتجان ساعىنتايەۆتىڭ ءشانشي پروۆينتسياسىنا ساپارى (2016 -جىلدىڭ شىلدە ايى) كەزىندە جاسالعان كەلىسىمدەردى جۇزەگە اسىرۋ ماسەلەلەرى دە قاراستىرىلدى.
قازاقستان رەسپۋبليكاسىنىڭ پروۆينتسياعا ىقپالداستىعىن نىعايتۋ جونىندە ۋاعدالاستىق جاسالدى.
ەلشى گۋبەرناتور حۋ حەپينگە ءشانشي پروۆينتسياسىنىڭ استانا قالاسىنداعى حالىقارالىق مامانداندىرىلعان «ەكسپو-2017» كورمەسىنە بەلسەنە قاتىسقانىنا العىس ايتتى.
سونداي- اق، شيانعا ساپارى بارىسىندا ش. نۇرىشيەۆ شيان شەت تىلدەر ۋنيۆەرسيتەتى جانىنان اشىلعان قازاقستاندى تانۋ ورتالىعى مەن ەۋرازيالىق ەكونوميكالىق فورۋمنىڭ اشىلۋ سالتاناتىنا قاتىستى.