وڭتۇستىكتەن ماقتا تالشىعى چەحيا مەن ءۇندىستانعا ەكسپورتتالادى

شىمكەنت. قازاقپارات - بيىل ماقتارالدىق «مىرزاكەنت» ماقتا تازالاۋ زاۋىتى ماقتا تالشىعىن دايىنداۋدا رەكوردتىق كورسەتكىشكە قول جەتكىزۋى مۇمكىن.

 بۇل مەجەگە جەتۋ ءۇشىن كاسىپورىنعا ا ق ش- تىڭ «ليۋمۋس كورپورايشن» كومپانياسىنان ساتىپ الىپ ورناتقان قوندىرعىسى كومەكتەسپەك. وڭىردەگى ماقتا زاۋىتتارىمەن سالىستىرعاندا بۇل ءوندىرىستىڭ ەڭبەك ونىمدىلىگى 30 پايىزعا جوعارى، دەپ حابارلايدى وبلىس اكىمىنىڭ باسپا ءسوز قىزمەتى.

 اتاپ ايتقاندا، قوندىرعىدان تالشىقتىڭ شىعۋى 30 پايىزعا ارتىق ءارى ساپاسى جوعارى، ەلەكتر قۋاتىنىڭ شىعىنى 25-30 پايىزعا ۇنەمدەلەدى جانە ماقتانى وڭدەۋ مەرزىمى 30 پايىزعا قىسقارعان. جوبادا پايدالانىلعان يننوۆاتسيالىق تەحنولوگيالار ت م د ەلدەرىندە تەڭدەسى جوق ءوندىرىس بولىپ تابىلادى.

«ماقتا زاۋىتىمىزداعى ينۆەستيتسيالىق جوبا 2013 -جىلى وڭىرلىك ۇيلەستىرۋ كەڭەسىندە (و ۇ ك) ماقۇلدانىپ، يندۋستريالدى كارتاعا ەڭگىزىلگەن بولاتىن. ءسويتىپ، اتالمىش جوبانى 2014 -جىلى ىسكە قوستىق. بۇگىندە زاۋىتتىڭ جالپى قۇنى 1 ميلليارد تەڭگەنى قۇرايدى. مۇندا 120 ادام مەرزىمدى جۇمىس ورنىمەن قامتىلعان»، - دەيدى زاۋىتتىڭ باس ينجەنەرى اسىلبەك جامالوۆ.

2014 -جىلى «ۇدەمەلى يندۋستريالدى- يننوۆاتسيالىق دامۋ» مەملەكەتتىك باعدارلاماسى اياسىندا ىسكە قوسىلعان كاسىپورىن بيىلدىڭ وزىندە 60 مىڭ توننا ماقتا تالشىعىن ازىرلەۋدى جوسپارلاپ وتىر. تاۋلىگىنە مۇندا 40 توننا ماقتا تالشىعى وندىرىلەدى. دايىن ءونىم شىمكەنتتەگى ماقتا توقىما زاۋىتىنا جونەلتىلەدى. زاۋىت قاجەتتىلىگىنەن ارتىلعان تالشىقتار چەحيا مەن ءۇندىستان مەملەكەتتەرىنە ساۋدالانادى.

 وسىلايشا «مىرزاكەنت» ج ش س ماقتانى ءوسىرىپ قانا قويماي ونى قايتا وڭدەۋ ىسىمەن دە اينالىسىپ جاتىر. سونداي- اق، بۇل كاسىپورىن ءوڭىر ماقتاشىلارىنان ءتيىمدى باعادا اق التىن قابىلداپ، قامباسىن شيكىزاتپەن تولتىرۋدا.