ستالين تۋرالى كومەديا رەسەيدە كورسەتىلمەۋى مۇمكىن - كەسكىن
«كەلەسى ايدا باتىستا كينوتەاترلاردى فيلم كورسەتىلىپ جاتقان كەزدە ياننۋچچي مەن Entertainment One Films كومپانياسى رەسەي مادەنيەت مينيسترلىگىنىڭ جاۋابىن كۇتەتىن بولادى»، - دەپ حابارلايدى باسىلىم.
كومەديانى كورسەتۋگە تىيىم سالىناتى جونىندە The Guardian گازەتى دە جاريالادى. اتالمىش باسىلىم كينوتۋىندىنى «جەككورىنىشتى» دەپ اتاعان ر ف ك پ وكىلدەرىنىڭ، سونداي-اق «ستاليننىڭ ءولىمىن» «جوسپارلانعان پروۆوكاتسيا» دەپ اتاعان رەسەيدىڭ مادەنيەت ءمينيسترى جانىنداعى قوعامدىق كەڭەستىڭ ءتوراعاسى پاۆەل پوجيگايلونىڭ مالىمدەمەسىنە سۇيەنگەن.
20 -قىركۇيەكتە رەسەي مادەنيەت مينيسترلىگىنىڭ باسپا ءسوز قىزمەتى «ينتەرفاكسقا» رەسەيدە فيلمدى پروكاتقا شىعارۋشى ءالى بەلگىلەنبەگەنىن حابارلادى. ياعني، ۆەدومستۆوعا فيلمنىڭ پروكاتى جونىندە قۇجاتتار راسىمدەۋگە ەشكىم ءوتىنىش بىلدىرمەگەن.
18 -قىركۇيەكتە رەسەي پرەزيدەنتىنىڭ باسپا ءسوز حاتشىسى دميتريي پەسكوۆ «ستاليننىڭ ءولىمى» كينوتۋىندىسى الەكسەي ۋچيتەلدىڭ «ماتيلداسى» سەكىلدى قوعامدا ۇلكەن تولقۋ تۋدىرۋى مۇمكىن ەكەندىگى تۋرالى پىكىر بىلدىرگەن بولاتىن. سونىمەن قاتار ول مادەنيەت مينيسترلىگىنىڭ پروكاتتىق كۋالىك بەرۋگە ەشقاشان سالعىرتتىقپەن قاراماعانىن اتاپ ءوتتى.
سول كۇنى «بي- بي- سي» - دىڭ ورىس تىلىندەگى قىزمەتى اتالعان فيلمگە قاتىستى پوجيگايلونىڭ پىكىرىن جاريالادى. قوعامدىق كەڭەستىڭ باسشىسى الدىمەن فيلمدى كورىپ شىعۋ قاجەت ەكەندىگىن اتاپ ءوتتى. «ەگەر بۇل رەسەي تاريحىنا كۇيە جاعاتىن كەزەكتى ناسيحاتتىق پروۆوكاتسيالىق كامپانيا بولىپ تابىلماسا، وندا قورقاتىن دانەڭە دە جوق»، - دەيدى ول.
«ستاليننىڭ ءولىمى» فيلمىندە كەيىپكەرلەردى ستيۆ بۋشەمي، تيموتي دالتون، ولگا كۋريلەنكو جانە مايكل پەيلين سومداعان. فيلم يوسيف ستالين قايتىس بولعاننان كەيىنگى ك س ر و ساياسي ەليتانىڭ ومىرىنە ارنالعان. كينوتۋىندى 20 -قازاندا پروكاتقا شىعادى.
دەرەككوزى: https://lenta.ru