14:01, 21 - قىركۇيەك 2017 | GMT +6
ءازىربايجان پرەزيدەنتىنىڭ قىزى اكەسى ب ۇ ۇ باس اسسامبلەياسىندا ءسوز سويلەگەن كەزدە سەلفي جاساعان - ۆيدەو
استانا. قازاقپارات - ۆيدەودان الىنعان كادر ءازىربايجان پرەزيدەنتى يلحام اليەۆتىڭ قىزى - لەيلا اكەسى ب ۇ ۇ باس اسسامبلەياسىندا ءسوز سويلەپ جاتقان كەزدە سەلفي جاساپ وتىرعان.
وسى ءسات ۆيدەوكامەرالارعا ءتۇسىپ قالعان. ۆيدەو ب ۇ ۇ جاڭالىقتار قىزمەتىنىڭ Youtube حوستينگىندەگى ارناسىندا جاريالانعان. سونداي-اق، بۇل ءىس- شاراعا اليەۆتىڭ ايەلى مەحريبان اليەۆانىڭ دا قاتىسقانى ايتىلادى.
يلحام اليەۆتىڭ قىزى سەلفي جاساپ وتىرعان ءساتىن 2 مينۋت 07- سەكۋندتا كورۋگە بولادى. سونداي-اق، لەيلا اليەۆانىڭ بۇل ارەكەتىن وتىرىسقا كەلگەندەردىڭ بارلىعى كورگەن بولۋى مۇمكىن ەكەنى ايتىلادى سەبەبى قاتىسۋشىلاردىڭ بارلىعى ەكراننان كورىنىپ تۇرعان.