ولگا رىپاكوۆا اشحابادتاعى ازيا ويىندارىندا ەكىنشى التىن مەدال جەڭىپ الدى

 استانا. قازاقپارات - تۇرىكمەنستان استاناسى اشحاباد قالاسىندا ءوتىپ جاتقان جاۋىنگەرلىك ونەر تۇرلەرى بويىنشا جابىق عيماراتتا وتەتىن 5 - ازيا ويىندارىنىڭ ءتورتىنشى جارىس كۇنى ءوتىپ جاتىر، دەپ حابارلايدى قازاقپارات.

 ايەلدەر اراسىنا ءۇش قارعىپ سەكىرۋدەن ەل نامىسىن قورعاعان قوس بىردەي سپورتشىمىز ولگا رىپاكوۆا جانە ماريا وۆچيننيكوۆا جەڭىس تۇعىرىنان كورىندى.

 ولگا ءتورتىنشى مۇمكىندىگىندە 14.32 مەترگە سەكىرىپ، وسى ويىنداعى ەكىنشى التىن مەدالىن قانجىعاسىنا بايلادى. ال ماريا وۆچيننيكوۆا ءۇشىنشى مۇمكىندىگىندە 13.21 مەتر ۇزىندىقتى باعىندىرىپ، كۇمىس مەدال يەلەندى. قولا مەدالدى قىتايلىق تانچيۋدجياۋ (13.20 مەتر) جەڭىپ الدى.

ايتا كەتەيىك، بۇگىنگى جارىس جولىندا تاعى ءتورت جەڭىل اتلەتىمىز فينالدا التىنعا تالاسادى. ولار ۆيكتوريا زيابكينا جانە ولگا سافرونوۆا (ايەلدەر اراسىندا 60 مەترگە جۇگىرۋ)، ميحايل ليتۆين جانە ەلەنا ميكينا (400 مەترگە جۇگىرۋ).

 اۆتور: مۇحتار قاليموللا ۇلى