16:38, 19 - قىركۇيەك 2017 | GMT +6
يندونەزيا پرەزيدەنتىنە قاستاندىق جاسالماق بولدى
استانا. قازاقپارات - يندونەزيا پوليتسياسى ەل پرەزيدەنتىنە جاسالماق بولعان قاستاندىقتىڭ الدىن الدى. قۇزىرەتتى ورگاننىڭ مالىمدەۋىنشە، مەملەكەت باسشىسى دجوكو ۆيدودوعا شابۋىلدى جەرگىلىكتى لاڭكەستىك توپتىڭ مۇشەلەرى ۇيىمداستىرماق بولعان.
قاستاندىق پرەزيدەنت چيرەبون قالاسىنداعى مادەني فەستيۆالعا بارعان كەزدە جۇزەگە اسىرۋ جوسپارلانعان. وسى وقيعاعا قاتىسى بار دەگەن كۇدىكپەن 31 جاستاعى ازامات تۇتقىندالدى. ءتارتىپ ساقشىلارى ودان 5 جانعىش بوتەلكە، تاپانشا جانە قانجار تاپقان. قازىر تەرگەۋ امالدارى ءجۇرىپ جاتىر.
www.24.kz