الماتىدا ءداستۇرلى ءان كەشى ءوتتى
ءوز كەزەگىندە ەلىمىزدىڭ بارلىق وڭىرىنەن شاقىرىلعان ءداستۇرلى انشىلەر حالىق اندەرىن ەسكى سارىنمەن كەزەكتەسە ورىندادى.
جانعالي ءجۇزباي، ق ر ەڭبەك سىڭىرگەن قايراتكەرى، كۇيشى:
- مەنىڭ ويىمشا ءبىرىنشى رەت ۇيىمداستىرىلىپ وتىرعان ۇلكەن ونەر ورداسى. مۇنداي ونەر ورداسى قىتايدا بولۋى مۇمكىن. ويتكەنى ولاردىڭ كلاسسيكالىق تەاترى دەگەن بار. وندا سول ءداستۇرلى ءان- كۇيى، ءبيى ناسيحاتتالادى. ال بۇل ورتا ازيادا ءبىرىنشى رەت بولايىن دەپ تۇر.
تىڭدارماندار وسى كەشتە العاش رەت كۇي ورىنداۋ شەبەرلىگىنىڭ جەتى، انشىلەردىڭ بەس مەكتەبى مەن ەكى جىرشى- جىراۋدىڭ ۇلگىسىن كورسەتكەن مىقتى ورىنداۋشىلاردى كوردى. «وسىعان دەيىن ءداستۇرلى ونەر يەلەرىنىڭ باسى ءبىر جەردە بىلاي توعىسپاعان ەدى»، - دەيدى ولار.
ايگۇل قوسانوۆا، ءداستۇرلى ءانشى:
- جەكە كونسەرتىن بەرسە، كەزەكتەسىپ حالىقتى جيناپ، ءوزىمىزدىڭ ءداستۇرلى ونەرىمىزبەن سۋسىنداتىپ وتىرسا، وندا نۇر ۇستىنە نۇر بولادى. ويتكەنى باسقا وپەرالىق تەاتردا بولماسا، رەسپۋبليكا سارايىندا كونسەرت بەرگەن ءبىر بولەك تە، ءوزىمىزدىڭ وسى ءداستۇرلى ونەر تەاترىندا كونسەرت بەرۋدىڭ ءجونى ءبىر بولەك. بۇدان بىلاي ءداستۇرلى ءان مەن كۇي كەشتەرى ءجيى ءوتىپ تۇراتىن بولادى. ول وسى كەشتە ونەر كورسەتكەن سەرىلەر مەن «الاتاۋ» ءداستۇرلى ونەر تەاترى اراسىندا قول قويىلعان كەلىسىم نەگىزىندە جۇزەگە اسىرىلماق. اتالعان ورىنداۋشىلار ءۇشىن تەاتر تاراپىنان جەڭىلدىك قاراستىرىلعان.
www.24.kz