ۆەنەسۋەلا پرەزيدەنتى ءوزىن ستالينگە ۇقساتاتىن مالىمدەدى

استانا. قازاقپارات - ۆەنەسۋەلا پرەزيدەنتى نيكولاس مادۋرو ءوزىنىڭ ءتۇر- كەلبەتىن يوسيف ستالينگە ۇقساتاتىنىن ايتتى، دەپ حابارلايدى شەتەلدىك ب ا ق.

«الەمدە مەنى «كاريب ءوڭىرىنىڭ ستالينى» دەپ سانايتىن ادامدار بار، شىنىندا دا مەن وعان قاتتى ۇقسايمىن دا. اسىرەسە، قىرىنان تۇرعانداعى كەلبەتىمە قاراڭىزدارشى. مەن كەي كەزدە ايناعا قاراپ، ءوزىمنىڭ ستالينگە ۇقسايتىنىمدى بايقايمىن»، - دەدى ۆەنەسۋەلا پرەزيدەنتى VTV تەلەارناسىنداعى جەكسەنبىلىك باعدارلامالاردىڭ بىرىندە.

سونداي- اق، مادۋرو وزگە الەمدىك كوشباسشىلارعا قاراعاندا ءوزىنىڭ اناعۇرلىم «جۇمساق» باسشى ەكەنىن ايتتى.

«يسپانيا ۇكىمەتىنىڭ ءتوراعاسى ماريانو راحوي 700 مەردى ۇستاۋ ءۇشىن كاتالونياعا پوليتسيا جىبەردى. سوندا كىم ديكتاتور سياقتى ارەكەت ەتىپ وتىر؟ وپپوزيتسياعا پلەبيستسيت وتكىزۋگە رۇقسات بەرگەن مادۋرو ما، جوق الدە كاتالونيا حالقىنا ويىنداعىسىن ايتۋعا مۇمكىندىك بەرمەي وتىرعان راحوي ما؟»، - دەيدى ول.

شىلدە ايىنىڭ ورتاسىندا مادۋرونىڭ وپپونەنتتەرى رەفەرەندۋم ۇيىمداستىرىپ، ازاماتتارعا كونستيتۋتسيالىق اسسامبلەيا شاقىرۋعا قاتىستى پىكىرلەرىن ءبىلدىرۋدى ۇسىنعان ەدى.

ۆەنەسۋەلا وپپوزيتسياسىنىڭ مالىمەتىنشە، جالپى حالىقتىق داۋىس بەرۋگە 7,6 ميلليوننان استام ادام قاتىسقان، ولاردىڭ 98 پايىزى كا- نى شاقىرۋعا قارسى بولىپتى. الايدا ۇكىمەت داۋىس بەرۋ قورىتىندىسىنا كۇمان تۋعىزدى.