تاشكەنتتە جىبەك-جولى قازاق-وزبەك شەكارا بەكەتىنىڭ جوباسى تانىستىرىلدى - فوتو
باۋىرلاس ەلدەردىڭ ساۋدا- ەكونوميكالىق ىنتىماقتاستىعىنىڭ ارتۋىنا مۇمكىندىك بەرەتىن كەزدەسۋگە 500 دەن استام كاسىپكەر قاتىستى، دەپ حابارلايدى قازاقپارات.
سونىمەن قاتار، تاشكەنت قالاسىندا وتكەن بيزنەس- فورۋم شەڭبەرىندە قازاقستاندا وندىرىلەتىن ونىمدەرىنىڭ كورمەسى ءوتتى.
وزبەكستان استاناسىندا كەشە باستالعان كورمەگە 90 عا جۋىق وتاندىق كومپانيانىڭ ونىمدەرى قويىلعان. قازاقستاندىق تاۋاروندۋشىلەر كورمەدە تاماق جانە ونەركاسىپ، ينجەنەرلىك، ماشينا جاساۋ، فارماتسيەۆتيكا جانە قۇرىلىس زاتتارى مەن حيميا، مەتاللۋرگيا، IT سالالارىنداعى 500 دەن استام ءونىمىن ۇسىندى.
«وزەكسپوورتالىق» كورمە كەشەنىندە ءوتىپ جاتقان كورمەگە وڭتۇستىك قازاقستان وبلىسىنىڭ ءبىرقاتار ءىرى كاسىپورىندارىنىڭ ونىمدەرى قويىلدى. اتاپ ايتقاندا، كىلەم شىعاراتىن «بال تەكستيل» فابريكاسىنىڭ، ۇن جانە ءسۇت ونىمدەرىن وندىرۋدە كوشباسشىلاردىڭ قاتارىنداعى «التىن ءدان» ج ش س- نىڭ، «شىمكەنت سەمەنت» جانە «ستاندارت سەمەنت» زاۋىتتارىنىڭ، ت م د- دا ءبىرىنشى اشىلعان ۆاكۋۋمدىق پروبيركالار مەن ەكىجاقتى ينە شىعاراتىن «ەكوفارم ينتەرنەشنل» كومپانياسىنىڭ جانە «حيمفارم» زاۋىتىنىڭ، مەديتسينالىق جابدىقتاردىڭ 17 ءتۇرىن شىعاراتىن «Marai E7 Group» ج ش س- نىڭ ونىمدەرى قويىلدى»، - دەپ مالىمدەدى و ق و اكىمدىگىنىڭ باسپا ءسوز قىزمەتىنەن.
سونىمەن قوسا، كورمەدە «اتاستروي» قۇرىلىس كومپانياسى سارى اعاش اۋدانىنداعى جىبەك- جولى شەكارا بەكەتىن جاڭعىرتۋ جوباسىن تانىستىردى. قۇنى 18 ميلليون ا ق ش دوللارى بولاتىن جوبا جۇزەگە اسسا، تاۋلىگىنە 30 مىڭ ادام ەمىن- ەركىن ەكى ەل شەكاراسىنان وتە الادى.
و ق و اكىمدىگى مەن كاسىپكەرلەر پالاتاسىنىڭ ۇيىمداستىرۋىمەن وزبەكستان- قازاقستان بيزنەس- فورۋمىنا وڭتۇستىك قازاقستان وبلىسىنان ءوڭىر باسشىسى جانسەيىت تۇيمەبايەۆ باستاعان 150 دەن استام ادام قاتىستى. ولاردىڭ قاتارىندا مەملەكەتتىك جانە قارجىلىق ۇيىمدار وكىلدەرى، كاسىپكەرلەر بار. بيزنەس- فورۋم كەزىندە В2В فورماتىندا كەلىسسوزدەر جۇرگىزىلىپ، ونداعى قاتىسۋشىلار ءوزارا ءىس- ارەكەتتەر جاقىن بولاشاقتا ءوز ناتيجەسىن بەرەرىنە سەنىم ءبىلدىردى.