اۋا رايى
Астана 18 °С
Алматы 16 °С
ۆاليۋتا باعامى
USD 341.61
EUR 410.27
RUB 5.90
CNY 51.98

گولوۆكين - الۆارەس جەكپە-جەگى قانداي ەلدەردە كورسەتىلەدى

گولوۆكين - الۆارەس جەكپە-جەگى قانداي ەلدەردە كورسەتىلەدى
17 قىركۇيەك 08:07 792

استانا. قازاقپارات - 16 -قىركۇيەك كۇنى (ۋاقىت ايىرماشىلىعىنا بايلانىستى قازاقستاندا 17 -قىركۇيەك كۇنى تاڭەرتەڭ) لاس- ۆەگاستاعى T- Mobile Arena-دا گەننادي گولوۆكين (37-0، 33 ك و) مەن ساۋل الۆارەستىڭ (49-1-1, 34 ك و) جەكپە-جەگى وتەدى.

قازاقستاندىق بوكسشى WBA (Super) ، WBC، IBF جانە IBO تۇجىرىمدارى بويىنشا ورتا سالماقتاعى الەم چەمپيونى بەلبەۋلەرىن تىگىپ وتىر، الۆارەس بولسا - The Ring جۋرنالىنىڭ تۇجىرىمى بويىنشا جەلىلىك چەمپيون اتاعىن.

ا ق ش- تا (НВО)، ۇلى بريتانيادا (Box Nation) جانە اۆستراليادا (Foxtel TV) جەكپە-جەك اقىلى ترانسلياتسيالار جۇيەسىندە (pay-per-view) كورسەتىلەتىن بولادى. سونداي-اق ترانسلياتسيا مەكسيكادا (Televisa جانە TV Azteca)، وڭتۇستىك افريكا رەسپۋبليكاسىندا (SuperSport)، يسپانيادا (beIN Sports)، فرانسيادا (SFR Sport جانە Canal+) جانە گەرمانيادا (DAZN - اقىلى) جۇرەدى. بوكس كەشى رەسەي، ۋكراينا جانە بەلارۋس ەلدەرى اۋماعىندا كورسەتىلمەيدى. رەسەيلىك پروموۋتەر ۆلاديمير حريۋنوۆ مۇنى بوكسشىلاردى پيراتتىق ترانسلياتسيالاردان قورعاپ قالۋ نيەتتەرىمەن ءتۇسىندىردى. بۇل تۋرالى Sport.kz سايتى حابارلادى.

قازاقستاندا گولوۆكين- الۆارەس جەكپە-جەگىن «Qazsport» جانە «Qazaqstan» ارنالارى كورسەتەدى. باستالۋى - استانا ۋاقىتىمەن 08.50-دە. بۇعان دەيىن حابارلاعانىمىزداي، بوكسشىنىڭ قاراعاندىلىق جەرلەستەرى ايقاستى بىرنەشە جەردە ورناتىلعان ۇلكەن لەد- ەكرانداردان كورە الادى.

ايتا كەتەيىك، ەلباسى نۇرسۇلتان نازاربايەۆ وتاندىق جانە شەتەلدىك جۋرناليستەرمەن كەزدەسۋ بارىسىندا گەنناديي گولوۆكيننىڭ جەڭىسكە جەتەتىندىگىنە سەنىم ءبىلدىرىپ، جەكپە-جەكتى تەلەديدار الدىندا قازاقستاندىقتارمەن بىرگە تاماشالايتىنىن اتاپ وتكەن بولاتىن.

ەسكە سالايىق، جۋىردا دۇنيەجۇزىلىك بوكس كەڭەسى (WBC) GGG- «كانەلو» جەكپە- جەگىنىڭ جەڭىمپازىنا ارنالعان ارنايى بەلدىكتى تانىستىردى. بەلدىكتە 16 -قىركۇيەك داتاسى ويىلىپ جازىلعان، سونداي-اق ەكى جاعىندا قازاقستان جانە مەكسيكانىڭ مەملەكەتتىك تۋلارى بەينەلەنگەن.

باستى سوزدەر: سپورت, الةم, ئقپالداستئق,
Нашли ошибку? Выделите её и нажмите CTRL+ENTER

پئكئر قالدئرؤ