اۋا رايى
Астана -6 °С
Алматы 1 °С
ۆاليۋتا باعامى
USD 330.00
EUR 390.72
RUB 5.65
CNY 50.13

ەكى اياعىنان ايىرىلعان ەكاتەرينا پارافيەۆا ەكسترەمالدى سپورتقا بەت بۇردى

ەكى اياعىنان ايىرىلعان ەكاتەرينا پارافيەۆا ەكسترەمالدى سپورتقا بەت بۇردى
17 قىركۇيەك 12:03 146

الماتى. قازاقپارات - جول اپاتى سالدارىنان ەكى اياعىنان ايىرىلعان الماتىلىق ەكاتەرينا پارافيەۆا ەكسترەمالدى سپورتپەن اينالىسىپ ءجۇر، دەپ حابارلايدى قازاقپارات ءتىلشىسى.

كەلىنشەك جاقىندا قاسكەلەڭدە وتكەن باگگي تۋرعا قاتىسقان. ول فەيسبۋكتەگى پاراقشاسىندا باگگيدروم جەتەكشىسىنە العىسىن جەتكىزدى.

«ەلدار مەن ونىڭ كومانداسىنا وسىنداي كەرەمەت كوڭىل-كۇي مەن ادرەنالين سىيلاعانى ءۇشىن العىس بىلدىرەمىن. ءبارى كوڭىلىمنەن شىقتى»، - دەپ جازدى ە. پارافيەۆا.

ايتا كەتەيىك، الماتىداعى باگگيدرومدا ارنايى باگگيلەرمەن جانە جول تالعامايتىن كولىكتەرمەن جولسىز، تاۋلى- تاستى جەرلەردى باعىندىرىپ كورۋگە بولادى.

قازىر كەلىنشەك بەلگىلى ۆولونتەر، جاتتىقتىرۋشى كيرا ۋدارتسيەۆانىڭ كومەگىمەن وڭالتۋ شارالارىنان ءوتىپ جاتىر. ەندى ول ارنايى جاتتىعۋلاردىڭ ارقاسىندا پروتەز كيۋگە دايىندالماق. وسىدان بىرنەشە اپتا بۇرىن ەكاتەرينا اياعىنا ينفەكتسيا ءتۇسىپ اۋرۋحاناعا جاتىپ شىققان بولاتىن.

كيرا ۋدارتسيەۆانىڭ ايتۋىنشا، اياقتارى امپۋتاتسيالانعان ادامعا جاتتىقتىرۋدى توقتاتپاعان ماڭىزدى. بۇلشىق ەتتەر ىدىراپ كەتپەس ءۇشىن ولاردى قاتايتۋ كەرەك. ايتپەسە پروتەز كيۋ قيىنعا سوعادى.

ايتا كەتەيىك، كاتەرينا بۇعان دەيىن بىلعارى قولعاپ كيىپ، بوكسقا بەيىمدەلە باستاعانى حابارلانعان ەدى.

ەسكە سالايىق، كەلىنشەك 16 ماۋسىمدا الماتى قالاسىنداعى ءال-فارابي داڭعىلىندا بولعان جول اپاتىنان جاپا شەككەن ەدى. Honda CRV تىزگىندەگەن قىزدار اشىق ليۋككە كىرىپ كەتىپ، كولىك دوڭگەلەگىن جارىپ العان. ولار جول شەتىنە توقتاپ، كولىكتەرىن قاراپ جاتقان كەزدە، Honda CRV- نىڭ ارتىندا كەلە جاتقان Toyota Camry ونىمەن سوقتىعىسۋدان قاشىپ، بىردەن ورتاڭعى جولاققا اۋىسا باستايدى. مانيەۆر جاساۋ كەزىندە اۆتوبۋسپەن ءتۇيىسىپ، Toyota Camry سوققىمەن Honda CRV- نى ارتىنان ۇرادى. سالدارىنان قىزدار ورتادا قىسىلىپ قالىپ، بىرەۋى ەكى اياعىنان ايىرىلعان بولاتىن. ال ەكىنشى قىز №7 -قالالىق اۋرۋحانانىڭ نەۆرولوگيا بولىمىنە جاتقىزىلدى.

 

 

 

باستى سوزدەر: قوعام, دةنساؤلئق,
Нашли ошибку? Выделите её и нажмите CTRL+ENTER

پئكئر قالدئرؤ