قايىرىمدىلىق ماقساتتاعى استانا مارافونى ءوتىپ جاتىر - فوتو
مارافون اياسىندا جۇگىرۋگە كەلگەندىردىڭ ءبىرىنشى توبى جارىس جولىنا شىقتى. ەڭ جاس قاتىسۋشى 16 جاستا، ال ەڭ جاسى ۇلكەن سپورتشى 80-دە.
سپورتشىلار 3 قاشىقتىقتا ءوزارا سىنعا تۇسەدى. اتاپ ايتقاندا، 42,2 شاقىرىم - بۇل ەڭ توزىمدىلەر ءۇشىن، 21,1 شاقىرىم - دايىندىعى مىقتى سپورتشىلار ءۇشىن، اۋەسقويلار ءۇشىن - 10 شاقىرىم. ونىمەن بىرگە مارافون اياسىندا سكانديناۆ جاياۋ ءجۇرۋ ءتۇرى بويىنشا جارىس قاراستىرىلعان.
سونىمەن قاتار astana42k.com سايتىندا ونلاين رەجىممەن تىركەلۋگە بولادى. ۇيىمداستىرۋشىلاردىڭ ايتۋىنشا، مارافونعا قازاقستاننىڭ 22 قالاسىنان، سونداي-اق شەتەلدىك 19 ەلدىڭ ازاماتتارى تىركەۋدەن ءوتتى. ولاردىڭ اراسىندا ا ق ش، ۇلى بريتانيا، اۆستراليا، گەرمانيا، يتاليا، كيپر، قىتاي، رەسەي جانە باسقا مەملەكەتتەر بار.
42,2 شاقىرىم قاشىقتىققا استانالىق مارافون بويىنشا جۇلدە قورى بەكىتىلدى. جەڭىمپاز 850 مىڭ تەڭگە كولەمىندە اقشالاي سىيعا جانە كەز كەلگەن باعىتتا اۋە بيلەتىنە يە بولادى. ال ەكىنشى ورىنعا - 200000، ۇشىنشىگە - 100000 تەڭگە بەرىلمەك.
21,1 شاقىرىمدا مارە سىزىعىن ءبىرىنشى بولىپ باسقان ادامعا 60000 تەڭگە، ەكىنشىگە -50000، ءۇشىنشى ورىنعا 40000 تەڭگە تابىستالادى. بۇدان بولەك، 10 شاقىرىمدىق قاشىقتىقتى ءبىرىنشى بولىپ ەڭسەرگەنگە 30000 تەڭگە، ەكىنشىگە - 25000، سونداي-اق ءۇشىنشى ورىندى يەلەگەن ادامعا 20000 تەڭگە بەرىلەدى.
بۇدان بۇرىن حابارلانعانداي، 17 -قىركۇيەك كۇنى ەلوردادا بۇقارالىق مارافوننىڭ وتۋىنە بايلانىستى بەلگىلى ءبىر كوشەلەردە كولىك قوزعالىسىنا شەكتەۋ قويىلادى. وسىعان بايلانىستى قوعامدىق كولىكتەردىڭ دە قوزعالىس كەستەسىندە وزگەرىستەر بولادى. مارافون ساعات 13:00 كەزىندە اياقتالادى دەپ كۇتىلۋدە.
ايتا كەتەيىك، وسى قايىرىمدىلىق مارافونى ەلوردادا 2009 -جىلدان بەرى ءداستۇرلى تۇردە ۇيىمداستىرىلۋدا.