الماتىدا «قازاقستان تاتارلارى» كىتابىنىڭ تۇساۋى كەسىلدى

None
None
الماتى. قازاقپارات - الماتىدا ۇلتتىق كىتاپحانادا «قازاقستان تاتارلارى» كىتابىنىڭ تۇساۋكەسەرى ءوتتى، دەپ حابارلايدى قازاقپارات ءتىلشىسى.

تۋىندى قازاندا باسىلىپ شىققان. بۇگىن كىتاپتى كوپشىلىككە تانىستىرۋعا قازان ۋنيۆەرسيتەتىنىڭ پروفەسسورى رافايل شايدۋللين مەن تاتار ەنتسيكلوپەدياسى ينستيتۋتىنىڭ وكىلى بۋلات حاميدۋللين كەلدى. جاڭا باسپادا قازاقستاندا تۋىپ، ءومىر ءسۇرىپ جاتقان نەمەسە قايتىس بولعان 300-گە جۋىق قوعام قايراتكەرى، ريەۆوليۋتسياعا دەيىنگى قوعامدىق ۇيىمدار، باسىلىمدار تۋرالى اقپارات بەرىلگەن. سونىمەن قاتار، قازاقستان تاتارلارىنىڭ ءومىرى، قىزمەتى، ۇلتتىق داستۇرلەرى، كوركەمونەر ۇيىمدارى جۇيەلى تۇردە سيپاتتالعان. ەنتسيكلوپەديالىق انىقتاما قازاقستان مەن تاتارستاندا تۇرىپ جاتقان تاتارلاردىڭ تاريحي- مادەني بايلانىسى تۋرالى سىر شەرتەدى.

قازان ۋنيۆەرسيتەتىنىڭ پروفەسسورى، تاريح عىلىمدارىنىڭ دوكتورى، ت ر عىلىم اكادەمياسى تاتار ەنتسيكلوپەدياسى جانە ايماقتانۋ ينستيتۋتىنىڭ ەنتسيكلوپەديستيكا ورتالىعىنىڭ مەڭگەرۋشىسى رافاەل شايدۋلليننىڭ ايتۋىنشا، بۇل كىتاپ 2014 -جىلى تاتارستاندا باستالعان «تاتار حالقىنىڭ ۇلتتىق بىرەگەيلىگىن ساقتاۋ» مەملەكەتتىك باعدارلاماسىنىڭ اياسىندا باسىلىپ وتىر.

«قازاقستاندا قازىر 230 مىڭنان اسا تاتار ءومىر ءسۇرىپ جاتىر. ءبىز قازاقستانداعى تاتارلاردىڭ ءومىرىن، ەكى ەل اراسىنداعى تاريحي مادەني بايلانىستى، ۇلتتىق تاعام تۇرلەرىن، فولكلوردى كورسەتكىمىز كەلدى. ريەۆوليۋتسياعا دەيىن قازاقستاندا بىرىككەن مۋزىكالىق، قايىرىمدىلىق قورلارى بولعان ەكەن. 30 جۋىق مەرزىمدى باسىلىم شىعىپ تۇرعان. وسىنىڭ ءبارىن جەرگىلىكتى مۇراعاتتارعا ساۋال جىبەرۋ ارقىلى انىقتادىق»، - دەدى ر. شايدۋللين.

ت ر عىلىم اكادەمياسى تاتار ەنسيكلوپەدياسى جانە ايماقتانۋ ينستيتۋتىنىڭ ەنسيكلوپەديستيكا ورتالىعىنىڭ وكىلى حاميدۋللين بولاتتىڭ ايتۋىنشا، اتالعان ورتالىقتا بۇدان وزگە تاتارلاردىڭ ءومىر سۇرەتىن ايماقتارى تۋرالى كىتاپ جارىق كورگەن.

تۇران ۋنيۆەرسيتەتىنىڭ پروفەسسورى، پ. ع. د حايرۋللين گريف بۇل كىتاپتىڭ ەكى ەل اراسىنداعى دوستاستىقتىڭ دامۋىن ۇلكەن ىقپالى تيەتىنىن تىلگە تيەك ەتتى. «مۇندا بەلگىلى قازاقستاندىق تاتارلاردىڭ ەسىمى ەندى. ونىمەن قاتار اباي، مۇحتار اۋەزوۆ، نۇرسۇلتان نازاربايەۆ سياقتى بەلگىلى تۇلعالار دا ەندى. ويتكەنى، نۇرسۇلتان ءابىش ۇلى ءبىزدىڭ مەملەكەتىمىزدىڭ وكىلى. وسى ەلدە ەش كەدەرگىسىز ءومىر ءسۇرىپ كەلەمىز»، - دەدى گريف حايرۋللين.

اۆتور: گۇلميرا عوسمانالي

سوڭعى جاڭالىقتار