اۋا رايى
Астана -6 °С
Алматы 1 °С
ۆاليۋتا باعامى
USD 330.00
EUR 390.72
RUB 5.65
CNY 50.13

ءجۇز جىلدان اسا تاريحى بار قورعاس وتكەلىنىڭ بۇگىنگى بەينەسى - شەتەلدەگى قازاق ءتىلدى ب ا ق- قا شولۋ

ءجۇز جىلدان اسا تاريحى بار قورعاس وتكەلىنىڭ بۇگىنگى بەينەسى - شەتەلدەگى قازاق ءتىلدى ب ا ق- قا شولۋ
16 قىركۇيەك 16:19 481

استانا. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

 قازاقستاندا «قاراتاۋ-2017» اسكەري جاتتىعۋى باستالدى - Fars اقپارات اگەنتتىگى


ءجۇز جىلدان اسا تاريحى بار قورعاس وتكەلىنىڭ بۇگىنگى بەينەسى - شەتەلدەگى قازاق ءتىلدى ب ا ق- قا شولۋ

 «قازاقستاندا 10000 اسكەري قاتىساتىن «قاراتاۋ-2017» اسكەري جاتتىعۋى باستالدى» دەپ جازادى يراندىق تانىمال اقپاراتتىق اگەنتتىك.

 Fars اقپارات اگەنتتىگىنىڭ حابارلاۋى بويىنشا، قازاقستاننىڭ قورعانىس ءمينيسترى ساكەن جاسۇزاقوۆتىڭ بۇيرىعىمەن وسى ەل قارۋلى كۇشتەرىنىڭ ستراتەگيالىق امالدارعا ارنالعان «قاراتاۋ-2017» اتتى كەڭ اۋقىمدى جاتتىعۋلارى 10000 اسكەريدىڭ قاتىسۋىمەن باستالدى. قازاقستاننىڭ قورعانىس مينيسترلىگى جاتتىعۋلاردىڭ ماقساتىن ەلدىڭ قارۋلى كۇشتەرىنىڭ جاۋىنگەرلىك دايىندىعىن تەكسەرۋ دەپ جاريالادى. جاتتىعۋلارعا ەلدىڭ شىعىس، وڭتۇستىك- شىعىس جانە وڭتۇستىك- باتىس وڭىرلەرىندەگى اسكەري بولىمشەلەر قاتىسادى. جاتتىعۋ بارىسىندا 1500-دەن استام اسكەري تەحنيكا، 40 ۇشاق پەن تىكۇشاق، سونداي- اق، ەلدىڭ تەڭىز كۇشتەرىنىڭ كەمەلەرى قولدانىلادى. قازاقستان قارۋلى كۇشتەرىنىڭ وسى كەڭ اۋقىمدى ستراتەگيالىق اسكەري جاتتىعۋلارىن باسقارۋ مىندەتى ەلدىڭ قورعانىس ءمينيسترىنىڭ ءبىرىنشى ورىنباسارى ءارى ەل قارۋلى كۇشتەرىنىڭ ورتالىق شتابىنىڭ قولباسشىسى گەنەرال- لەيتەنانت مۇرات مايكەيەۆكە جۇكتەلدى. جاتتىعۋلاردىڭ ەرەكشەلىگى اسكەريلەردىڭ ۇلكەن توبىن ءتورت باعىت بويىنشا ءبىر ۋاقىتتا باسقارۋ، قارۋلى كۇشتەردىڭ بارلىق تارماقتارى، اسكەري بولىمشەلەرى مەن دايىنداۋ بولىمدەرىنىڭ ارىپتەسە ارەكەت ەتۋى، سونداي- اق، اسكەري كۇشتەر مەن بارلاۋ قۇرىلعىلارىنىڭ الەۋەتىن باعالاۋ بولىپ وتىر» دەپ تۇيىندەيدى parstoday.

 ءجۇز جىلدان استام تاريحقا يە قورعاس وتكەلىنىڭ بۇگىنگى بەينەسى - «جەنمين جيباو» (People Daily)


ءجۇز جىلدان اسا تاريحى بار قورعاس وتكەلىنىڭ بۇگىنگى بەينەسى - شەتەلدەگى قازاق ءتىلدى ب ا ق- قا شولۋ

ءدال وسىنداي تاقىرىپپەن kazakh.people.com اقپاراتتىق سايتىندا فوتورەپورتاج جاريالاندى. تاريحتان بەرى ۇلى جىبەك جولىنىڭ ماڭىزدى بەكەتى بولىپ كەلگەن «قورعاس» كەدەن بەكەتىنىڭ قىتاي جاعىنداعى قازىرگى كورىنىسى جاريالانعان.

«شىڭجاڭنىڭ ىلە قازاق اۆتونوميالى وبلىسىنا قاراستى، قىتاي - قازاقستان شەكاراسىنداعى قورعاس اۋدانى - تاريحتان بەرى جىبەك جولى بويىنداعى ماڭىزدى بەكەتتەردىڭ ءبىرى بولىپ سانالادى. قورعاس وتكەلى رەسمي تۇردە 1881 -جىلى اشىلعان. ال 2012 -جىلى قىتاي - قورعاس حالىقارالىق شەكارالىق ىنتىماقتاستىق ورتالىعى بولىپ رەسمي ىسكە قوسىلدى» دەپ جازادى اتالعان اقپارات كوزى.


ءجۇز جىلدان اسا تاريحى بار قورعاس وتكەلىنىڭ بۇگىنگى بەينەسى - شەتەلدەگى قازاق ءتىلدى ب ا ق- قا شولۋ

«قىتايدىڭ مەملەكەتتىك كەڭەسى 2014 -جىلى شىڭجاڭ ۇيعۇر اۆتونوميا اۋماعىنداعى اۋدان دارەجەلى قورعاس قالاسىن دامىتۋ جوسپارىن بەكىتتى. بۇگىنگى تاڭدا، ءجۇز جىلدان اسا تاريحقا يە وتكەل زاماناۋي قاتىناس جۇيەسىن قۇرىپ، بۇرىن- سوڭدى بولماعان ومىرشەڭدىك قۋات بايقاتتى.

«قورعاس» كەدەن بەكەتىنە قاتىستى مالىمەتتەرگە قاراعاندا، بيىل قاڭتاردان تامىزعا دەيىن ارالىقتا جۇك تاسىمالداۋ يمپورت- ەكسپورت كولەمى 19 ميلليون 372 مىڭ 700 تونناعا جەتىپ، وتكەن جىلعى وسى كەزەڭمەن سالىستىرعاندا 14.2 پايىزعا ارتقان. جۇك تاسىمالداۋ يمپورت- ەكسپورت ساۋداسىنىڭ جالپى سوماسى 7 ميلليارد 17 ميلليون 900 مىڭ يۋان بولدى. ول وتكەن جىلعى وسى مەزگىلمەن سالىستىرعاندا 29.87 پايىزعا وسكەن» دەپ جازادى «جەنمين جيباو».

 «پايعامبار ءسوزى» كورمەسى - trt.net.tr


ءجۇز جىلدان اسا تاريحى بار قورعاس وتكەلىنىڭ بۇگىنگى بەينەسى - شەتەلدەگى قازاق ءتىلدى ب ا ق- قا شولۋ

«يسلام ونەرىندە پايعامبار ءسوزى» اتتى كورمە تاتارستاندا اشىلدى. بۇل تۋرالى وسى اپتادا تۇركيا راديو تەلەديدار اگەنتتىگى حابارلاعان بولاتىن.

«رەسەي فەدەراتسياسىنا قاراستى تاتارستان رەسپۋبليكاسىنىڭ باس قالاسى قازاندا «يسلام ونەرىندە پايعامبار ءسوزى» اتتى كورمە اشىلدى. قۇل شاريف مەشىتىندەگى يسلام وركەنيەتتەرى مۇراجايىندا اشىلعان كورمەدە رەسەي،  ۇلى بريتانيا، گەرمانيا جانە گوللانديانىڭ جەكە كوللەكسيونەرلەرىنىڭ 27 بۇيىمى كورمەگە قويىلدى.

كوللەكسيادا XIII- XIX- عاسىرلاردان قالعان قىلىشتار، التىن جىپپەن كومكەرىلگەن كىلەم، جاينامازدار، ءتۇرلى اشەكەي مەن زەرگەرلىك بۇيىمدار، ءۇندىستاندا 17 - عاسىردا باسىلعان مۇقاباسى تەرى قۇران كىتاپ بار. كورمەنىڭ بەتاشارىندا مەشىت يمامى يلفار حەسەنوۆ دۇعا وقىپ، تاتارستاننىڭ كامەرالىق وركەسترى ءدىني ءان شىرقادى. حالىقارالىق قازان مۇسىلمان فيلمدەرىنىڭ فەستيۆالى اياسىندا اشىلعان كورمەنى 10 - قاراشا كۇنىنە دەيىن ارالاپ كورۋگە بولادى» دەپ جازادى trt.net.tr جازادى.

 قىتاي پاۆيلونى «ەكسپو-2017» كورمەسىندە «الەمدىك كورمە سىيلىعىنىڭ» كۇمىس جۇلدەسىنە يە بولدى - «جەنمين جيباو»


ءجۇز جىلدان اسا تاريحى بار قورعاس وتكەلىنىڭ بۇگىنگى بەينەسى - شەتەلدەگى قازاق ءتىلدى ب ا ق- قا شولۋ

قىتايلىق تاراپ استانادا وتكەن الەمدىك كورمەدە بارىنشا بەلسەندىلىك تانىتتى. «جەنمين جيباو» اقپاراتتىق پورتالى وسى اپتادا قىتاي پۆيلونىنىڭ الەمدىك كورمە اياسىنداعى جەڭىسىن ءوز وقىرماندارىمەن قۋانا بولىسكەن ەكەن.

«بۇل رەتكى استاناداعى «ەكسپو-2017» حالىقارالىق كورمەسىنىنە قاتىسقان 115 مەملەكەت پەن 22 حالىقارالىق ۇيىمدار اراسىنان قىتاي پاۆيلونى «A» دارەجەلى پاۆيلونداردىڭ كۇمىس جۇلدەسىنە يە بولدى. بۇل 2012 جىلعى وڭتۇستىك كورەيا مەن 2015 -جىلعى يتاليا ميلان الەمدىك كورمەسىنەن كەيىنگى قىتايلىقتاردىڭ كەلەسى ءبىر مارتەبەلى سىيلىقتى ەنشىلەۋى» دەپ مالىمدەگەن اتالعان اقپارات كوزى.

 ايتا كەتۋ كەرەك، «ەكسپو-2017» كورمەسىندە قىتاي پاۆيلونى «بولاشاق ەنەرگيا، جاسىل جىبەك جولى» تاقىرىبىن نەگىز ەتىپ، الەمدىك كورمەگە قاتىسقان شەتەلدىك پاۆيلوندىڭ ىشىندە ەڭ ۇلكەنى بولدى دەپ تۇيىندەيدى kazakh.people.com.

اۆتور: بەيسەن سۇلتان

باستى سوزدەر: شەتەل قازاقتارى ,
Нашли ошибку? Выделите её и нажмите CTRL+ENTER

پئكئر قالدئرؤ