15:43, 16 - قىركۇيەك 2017 | GMT +6
نۇرسۇلتان نازاربايەۆ قازاقستاندىق كومپانيالاردىڭ كورمەسىن ارالادى
استانا. قازاقپارات - مەملەكەت باسشىسى نۇرسۇلتان نازاربايەۆ قازاقستاندىق كومپانيالاردىڭ كورمەسىن ارالاپ كوردى، دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتى مەملەكەتتىك ساپارى اياسىندا شاۆكات ميرزيەيەۆپەن بىرگە «وزبەكستان- قازاقستان: ىنتىماقتاستىقتىڭ جاڭا كەزەڭى» اتتى ونەركاسىپ كورمەسىن ارالاپ كوردى. وندا مەملەكەتتەر باسشىلارى قازاقستاندىق تاۋار وندىرۋشىلەردىڭ ونىمىمەن تانىستى. كورمەدە اسكەري- تەحنيكا، اۆياتسيا، فارماتسيەۆتيكا، توقىما ءوندىرىسى، قۇرىلىس، سونداي- اق ماشينا جاساۋ، اۆتوموبيل قۇراستىرۋ جانە ІТ سالالارىنداعى قازاقستاندىق 50-دەن استام ءىرى كومپانيالاردىڭ ەكسپورتقا ارنالعان ونىمدەرى قويىلعان. كورمەنىڭ نەگىزگى ماقساتى - ەكى مەملەكەتتىڭ كومپانيالارى اراسىندا ورنىقتى بايلانىستار ورناتۋعا كومەكتەسىپ، بىرلەسكەن ساۋدا جانە ينۆەستيتسيالىق جاڭا جوبالاردى ىسكە اسىرۋعا قولداۋ كورسەتۋ.