اۋا رايى
Астана -2 °С
Алматы 3 °С
ۆاليۋتا باعامى
USD 330.29
EUR 387.27
RUB 5.56
CNY 49.80

ەلباسى تاشكەنتتەگى تولە ءبي ماۆزولەيىنە باردى

ەلباسى تاشكەنتتەگى تولە ءبي ماۆزولەيىنە باردى
16 قىركۇيەك 13:41 795

استانا. قازاقپارات - قازاقستان پرەزيدەنتى نۇرسۇلتان نازاربايەۆ وزبەكستانعا مەملەكەتتىك ساپارى اياسىندا تولە ءبي ماۆزولەيىنە بارىپ، گۇل شوقتارىن قويدى. ەلباسىمەن بىرگە وزبەكستان پرەزيدەنتى شاۆكات ميرزيەيەۆ بىرگە ءجۇردى،

 دەپ حابارلايدى قازاقپاراتتىڭ ارناۋلى ءتىلشىسى تاشكەنتتەن.

 ايتا كەتەرلىگى، «تولە ءبي ماۆزولەيى» ساۋلەتتىك كەشەنى تاشكەنت قالاسىنىڭ ەڭ تانىمال كورىكتى جەرلەرىنىڭ ءبىرى سانالادى. ساۋلەت ەسكەرتكىشى 15 - عاسىردىڭ ءبىرىنشى جارتىجىلدىعىندا سالىنعان. ماۆزولەيدە تولە ءبيدىڭ مۇردەسى جەرلەنگەن. سونىمەن قاتار مەملەكەت باسشىسى وزبەكستان حالقىنىڭ جالپى ۇلتتىق سيمۆولى سانالاتىن «تاۋەلسىزدىك جانە گۋمانيزم» مونۋمەنتىنە باردى. تاشكەنتتىڭ تاۋەلسىزدىك الاڭىندا تۇرعىزىلعان ساۋلەتتىك كەشەندە وزبەكستاننىڭ كارتاسى بەينەلەنگەن قولا گلوبۋس پەن قولىنا بالا ۇستاعان انا بەينەلەنگەن.

قولا گلوبۋس 1991 -جىلى ورناتىلعان بولاتىن. ال 2005 -جىلدىڭ جەلتوقسانىندا ەسكەرتكىشكە جاڭعىرتۋ جۇمىستارى جۇرگىزىلىپ، «باقىتتى انا» مۇسىنىمەن تولىقتىرىلعان. وزبەكستان پرەزيدەنتىنىڭ 2006 -جىلعى 3 - اقپانداعى قاۋلىسىنا سايكەس كەشەنگە «تاۋەلسىزدىك جانە گۋمانيزم» اتاۋى بەرىلگەن.

اۆتور: مارلان جيەمباي

باستى سوزدەر: سئرتقئ ساياسات, بيلئك جانة ساياسات,
Нашли ошибку? Выделите её и нажмите CTRL+ENTER

پئكئر قالدئرؤ