اۋا رايى
Астана -1 °С
Алматы -1 °С
ۆاليۋتا باعامى
USD 332.21
EUR 391.74
RUB 5.57
CNY 50.08

وڭتۇستىك قازاقستاندا قىتايلىق كاسىپكەرلەر كۇن ەلەكتر ستانسياسىن سالماق

وڭتۇستىك قازاقستاندا قىتايلىق كاسىپكەرلەر كۇن ەلەكتر ستانسياسىن سالماق
16 قىركۇيەك 14:06 246

استانا. قازاقپارات - شەتەلدىك ينۆەستورلار وڭتۇستىك قازاقستاندا كۇن ەلەكتر ستانسياسىن سالىپ، ەلەكتروپانەلدەر شىعارۋدى قولعا الماق، دەپ حابارلايدى و ق و اكىمىنىڭ باسپا ءسوز قىزمەتى.

 وڭتۇستىك قازاقستان وبلىسىندا قىتايلىق كاسىپكەرلەر قۋاتتىلىعى 100 م ۆ ت بولاتىن كۇن ەلەكتر ستانساسىن سالماق. بۇل تۋرالى وڭتۇستىك قازاقستان وبلىسىنىڭ اكىمى جانسەيىت تۇيمەبايەۆپەن كەزدەسۋىندە «دجان سۋ نيۋ ەنەردجي تەحنولودجي» كومپانياسىنىڭ وكىلى گە دجەنسون ءمالىم ەتتى.

باسقوسۋدا تاراپتار وبلىستاعى قۋاتتىلىعى 100 م ۆ ت بولاتىن كۇن ەلەكتر ستانساسىن سالۋ ماسەلەسىن تالقىلادى. جوسپارعا سايكەس، كۇن ەلەكتر ستانساسى وتىرار اۋدانىنىڭ اۋماعىندا سالىنباق. ءبىر جىلدىڭ 300 كۇنى ساۋلەلى بولاتىن وڭتۇستىك قازاقستان وبلىسىنداعى تابيعي كليماتتىق جاعدايدى ەسكەرىپ وتىرعان كاسىپكەرلەر اتالعان جوباعا 200 ميلليون ا ق ش دوللارىن جۇمساۋعا نيەتتى.

 «ءبىز الداعى قازان ايىندا قۇرىلىس جۇمىستارىن باستاۋدى جوسپارلاپ وتىرمىز. ستانتسيانى ىسكە قوسىپ بولعاننان سوڭ، ەلەكتروموبيلدەردى قۇراستىرۋ جۇمىستارىن باستايتىن بولامىز. توقپەن جۇرەتىن موتوتسيكلدەردىڭ قۇرال- جابدىقتارىن ازىرگە قىتايدان تاسىمالداپ، وسىندا قۇراستىرۋ جوسپاردا بار. ەگەر جوسپارىمىز ءساتتى ىسكە اسىپ جاتسا، جەڭىل كولىك پەن قوعامدىق كولىكتەردى دە وسىندا قۇراستىرۋ ويىمىزدا بار»، - دەدى گە دجەنسون مىرزا.

ءبىر قۋانارلىعى، كۇن ەلەكتر ستانساسى جوباسىن جۇزەگە اسىرۋعا جەرگىلىكتى جاس ماماندار تارتىلماق. قىتاي كاسىپكەرلەرىنىڭ ايتۋىنشا، كۇن ەلەكتر ستانساسىنىڭ قۇرىلىسىنا قاتىساتىن جاس ەنەرگەتيكتەر بولاشاقتا ونى قوسۋدا قينالمايتىن بولادى.

ينۆەستورلاردىڭ بۇل ۇسىنىسىنا قولداۋ بىلدىرگەن ءوڭىر باسشىسى جەرگىلىكتى بيلىك تاراپىنان جەر تەلىمى ءبولىنىپ، قوسىمشا جەڭىلدىكتەر قاراستىرىلاتىنىن جەتكىزدى.

 «جوبالارىڭىز كوڭىلگە قونىمدى. ويتكەنى، ءبىزدىڭ ءوڭىردىڭ تابيعاتى كۇن ساۋلەسىنەن ەلەكتر جارىعىن وندىرۋگە وتە قولايلى. سوندىقتان ەكى تاراپقا دا ءتيىمدى جوبانى تەزدەتىپ ىسكە اسىرۋ قاجەت. قاجەتتى جەر تەلىمىن ءبولىپ بەرىپ، قاجەتتى قولداۋلاردى كورسەتۋگە ءازىرمىز»، - دەدى جانسەيىت قانسەيىت ۇلى.

 قىتايلىق كاسىپكەرلەر مۇنان بولەك، ەلەكتروپانەلدەر شىعارۋ ىسىنە دە مۇددەلى بولىپ وتىر. بۇل رەتتە ولار ەلىمىزدىڭ «جاسىل ەكونوميكالىق» ۇستانىمىنا قولداۋ بىلدىرمەك.

باستى سوزدەر: ايماق, ئقپالداستئق,
Нашли ошибку? Выделите её и нажмите CTRL+ENTER

پئكئر قالدئرؤ