اۋا رايى
Астана 6 °С
Алматы 13 °С
ۆاليۋتا باعامى
USD 340.11
EUR 407.93
RUB 5.91
CNY 51.61

وتباسى قۇندىلىقتارى ءاردايىم ءبىزدىڭ بايلىعىمىز - ەلباسى قۇتتىقتاۋى

وتباسى قۇندىلىقتارى ءاردايىم ءبىزدىڭ بايلىعىمىز - ەلباسى قۇتتىقتاۋى
16 قىركۇيەك 13:20 483

استانا. قازاقپارات - بۇگىن استاناداعى «قازاقستان» ورتالىق كونسەرت زالىندا «مەرەيلى وتباسى» ۇلتتىق كونكۋرسىنىڭ فينالدىق كەزەڭىنە وتكەن ۇمىتكەرلەردىڭ قاتىسۋىمەن سالتاناتتى شارا ءوتتى، دەپ حابارلايدى قازاقپارات.

ايتا كەتەيىك، ۇلتتىق كونكۋرس قازاقستان پرەزيدەنتى باستاماسىمەن جىل سايىن ءداستۇرلى تۇردە وتكىزىلىپ كەلەدى. شارا بارىسىندا ق ر مەملەكەتتىك حاتشىسى گۇلشارا ءابدىقالىقوۆا ەلباسى نۇرسۇلتان نازاربايەۆتىڭ قۇتتىقتاۋ ءسوزىن وقىپ بەردى.

 «بارشاڭىزدى «مەرەيلى وتباسى» ۇلتتىق كونكۋرسىنىڭ ءوز مارەسىنە جەتۋىمەن شىن جۇرەكتەن قۇتتىقتايمىن! وتباسى قاي زاماندا دا دەنى ساۋ قوعامنىڭ جانە مىقتى مەملەكەتتىڭ نەگىزى بولىپ كەلەدى. تاۋەلسىزدىك العاننان بەرگى شيرەك عاسىردا قازاقستاندىق تاتۋ وتباسىندا پاتريوتيزم، ەڭبەكسۇيگىشتىك، جاڭا قوعام قۇرۋ قۇندىلىقتارىمەن تاربيەلەنگەن تۇتاس بۋىن ءوسىپ كەلەدى. «مەرەيلى وتباسى» ۇلتتىق كونكۋرسىنىڭ جەڭىمپازدارى - ءارتۇرلى ماماندىقتاردىڭ، ەڭبەك اۋلەتتەرىنىڭ وكىلدەرى. بۇگىندە اعا بۋىننىڭ تولىمدى تاجىريبەسىن كۇش- قۋاتقا جانە جاڭا يدەيالارعا تولى جاس ماماندار قابىلداۋدا. ولار بىلىمگە قۇشتار، باسەكەگە قابىلەتتى، جاڭا الەم مەن يننوۆاتسيالارعا اشىق ءۇشىنشى جاڭعىرۋدى جۇزەگە اسىرۋشىلار»، - دەلىنگەن ەلباسىنىڭ قۇتتىقتاۋ سوزىندە.

 «قازاقستاننىڭ بولاشاعى ءوزارا سىيلاستىق پەن تاتۋلىققا ۇيىعانىن، جاقىندارىنا جاناشىرلىق جاساۋمەن بىرگە، وزگەلەرگە كومەگىن ايامايتىن، اركىم ءوزىنىڭ سۇيىكتى ىسىمەن اينالىساتىن، ۇرپاقتان ۇرپاققا جالعاسقان بىرلىك پەن كەلىسىم قۇندىلىقتارى ساقتالعان وتباسىلارىندا دەپ سەنىممەن ايتا الامىن. ەلىمىزدىڭ تىرەگى بولعان وسىنداي قۇندىلىقتار، ءاردايىم ءبىزدىڭ بايلىعىمىز بولىپ قالا بەرمەك. بارشاڭىزعا زور دەنساۋلىق، اماندىق، بەيبىتشىلىك پەن ءوسىپ وركەندەۋ تىلەيمىن. شاڭىراقتارىڭىزعا شاتتىق، جايلىلىلىق پەن مولشىلىق بولسىن»، - دەپ جەتكىزدى ءوز تىلەگەن ن. نازاربايەۆ.

كونكۋرس قوعامداعى ىزگىلىك پەن ادامگەرشىلىكتى، نەكە جانە وتباسى ينستيتۋتتارىن نىعايتۋعا باعىتتالعان. ول بيىل ءتورتىنشى رەت وتكىزىلىپ وتىر. وسى جىلى بايقاۋعا 2879 وتباسى قاتىستى، ياعني 2016 -جىلمەن سالىستىرعاندا، ولاردىڭ سانى 11,6 ءوستى (2016 -جىلى 2579 وتباسى قاتىسقان). بۇل رەتتە قاتىسۋشىلاردىڭ 36,2 پايىزى (1041 وتباسى) - كوپ بالالى وتباسىلار (2016 -جىلى 1065 بولعان). بيىلعى ىرىكتەۋدىڭ ناتيجەسىندە فينالدىق كەزەڭگە قاتىساتىن 16 ۇمىتكەر بەكىتىلدى.

 اۆتور: رۋسلان عابباسوۆ


وتباسى قۇندىلىقتارى ءاردايىم ءبىزدىڭ بايلىعىمىز - ەلباسى قۇتتىقتاۋى


وتباسى قۇندىلىقتارى ءاردايىم ءبىزدىڭ بايلىعىمىز - ەلباسى قۇتتىقتاۋى


وتباسى قۇندىلىقتارى ءاردايىم ءبىزدىڭ بايلىعىمىز - ەلباسى قۇتتىقتاۋى


وتباسى قۇندىلىقتارى ءاردايىم ءبىزدىڭ بايلىعىمىز - ەلباسى قۇتتىقتاۋى


وتباسى قۇندىلىقتارى ءاردايىم ءبىزدىڭ بايلىعىمىز - ەلباسى قۇتتىقتاۋى

باستى سوزدەر: قوعام, بيلئك جانة ساياسات,
Нашли ошибку? Выделите её и нажмите CTRL+ENTER

پئكئر قالدئرؤ