اۋا رايى
Астана -2 °С
Алматы 3 °С
ۆاليۋتا باعامى
USD 330.29
EUR 387.27
RUB 5.56
CNY 49.80

الماتى وبلىسى قىتايدىڭ سىچۋان پروۆينتسياسىمەن ىنتىماقتاستىقتى دامىتپاق

الماتى وبلىسى قىتايدىڭ سىچۋان پروۆينتسياسىمەن ىنتىماقتاستىقتى دامىتپاق
16 قىركۇيەك 10:26 570

تالدىقورعان. قازاقپارات - الماتى وبلىسى مەن ق ح ر- دىڭ سىچۋان پروۆينتسياسىنىڭ اراسىندا دوستىق قارىم- قاتىناس ورناتۋ تۋرالى كەلىسىمگە قول قويىلدى، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.

تاراپتار ەكونوميكا، ساۋدا، مادەنيەت، سپورت، دەنساۋلىق ساقتاۋ سالالارىنداعى ىنتىماقتاستىقتى دامىتۋدى جوسپارلاپ وتىر. بۇل تۋرالى وبلىس اكىمىنىڭ مىندەتىن اتقارۋشى ءلاززات تۇرلاشوۆتىڭ سىچۋان پروۆينتسياسىنان كەلگەن دەلەگاتتارمەن كەزدەسۋى بارىسىندا ايتىلدى.

كەزدەسۋ بارىسىندا ل. تۇرلاشوۆ ءوڭىر ەكونوميكاسىن، سونىڭ ىشىندە اگروونەركاسىپتىك كەشەن سالاسىن دامىتۋدىڭ باسىمدىقتارىن اتاپ ءوتتى. ولاردىڭ قاتارىندا ءسۇتتى جانە ەتتى باعىتتاعى مال شارۋاشىلىعىن يندۋستريالاندىرۋ، قانت ءوندىرىسى، سول سياقتى ينتەنسيۆتى باقتاردىڭ الاڭىن ۇلعايتۋ شارالارى بار. سونىمەن قاتار ل. تۇرلاشوۆ وبلىستىڭ قولايلى ينۆەستيتسيالىق كليماتى مەن ينۆەستورلارعا اشىقتىعىن دا تىلگە تيەك ەتتى.

ءوز كەزەگىندە دەلەگاتسيانى باستاپ كەلگەن سىچۋان پروۆينتسياسىنىڭ حالىقتىق ساياسي كونسۋلتاتيۆتىك كەڭەسى ءتوراعاسىنىڭ ورىنباسارى گاو فەن ۇيىمداستىرىلعان كەزدەسۋ ءۇشىن ريزاشىلىعىن ءبىلدىرىپ، سىچۋان پروۆينتسياسىنىڭ الەۋمەتتىك- ەكونوميكالىق وركەندەۋى جايلى باياندادى. سونداي- اق پروۆينتسيادا اۋىل شارۋاشىلىعى سالاسى جاقسى دامىعانىن ايتىپ ءوتتى. سوندىقتان ەكى تاراپتىڭ دا ىنتىماقتاستىق ورناتۋداعى الەۋەتى مول.

كەزدەسۋ سوڭىندا قوس تاراپ ءوزارا ەكى جاقتى ىنتىماقتاستىق تۋرالى مەموراندۋمعا قول قويدى.

باستى سوزدەر: ايماق, سئرتقئ ساياسات, بيلئك جانة ساياسات,
Нашли ошибку? Выделите её и нажмите CTRL+ENTER

پئكئر قالدئرؤ