قازاقستاننىڭ 8 بوكسشىسى الەم چەمپيوناتىنىڭ شيرەك فينالىنا شىقتى

استانا. قازاقپارات - ءۇندىستاننىڭ گۋۆاحاتي قالاسىندا ءوتىپ جاتقان بوكستان جاس ءوسپىرىم قىزدار اراسىنداعى الەم چەمپيوناتىنىڭ الدىن الا جەكپە-جەكتەرى اياقتالدى

اتالعان بايراقتى باسەكەدە ەلىمىزدىڭ نامىسىن قورعاۋ ءۇشىن 10 بىلعارى قولعاپ شەبەرى اتتانعان بولاتىن، دەپ حابارلايدى قازاقپارات.

قازاقستان بوكس فەدەراتسياسى تاراتقان مالىمەتكە سايكەس، الدىن الا جەكپە-جەكتەردە جاس وسپىرىمدەر اراسىندا الەم چەمپيونى بولعان نادەجدا ريابەتس امەريكالىق چيتلالي ورتيزگە ەسە جىبەرىپ قويدى. سونداي-اق مارجان ەسەكەن دە پولياك قارسىلاسى پاتريتسي بورىستان ۇتىلىپ قالدى.

دەگەنمەن شيرەك فينالعا 8 قىزىمىز شىعىپ وتىر. جازيرا وراقبايەۆا (48 كەلى)، جانسايا ءابدىرايىموۆا (51)، لاۋرا ەسەنكەلدى (54)، ساندۋعاش ءابىلحان (57) جانە جانسايا بالتابەكوۆا (60) الەم چەمپيوناتىندا بىرنەشە كەزدەسۋ وتكىزىپ، جەڭىس تۇعىرىنان كورىنە ءبىلدى.

ال سالتانات ەستايەۆا (75)، ارايلىم بەكدىلدا (81) جانە دينا يسلامبەكوۆا جارىس بولدارىن بۇگىن شيرەك فينالدان باستايتىن بولادى.

الەم چەمپيوناتىنىڭ فينالدىق كەزدەسۋلەرى 26- قاراشادا وتەدى.

ايتا كەتەرلىگى، الەم چەمپيوناتىنا الەمنىڭ 38 ەلىنىڭ 186 قىزى قاتىسۋدا. شيرەك فينالعا ءۇندىستان مەن رەسەيدەن 9 دان بوكسشى شىقتى. ال ا ق ش- تىڭ 6، پولشانىڭ 4 قىزى جارىس جولىندا.

قىتاي، گەرمانيا، تۇركيا جانە ۋكراينادان 4 قىزدان شيرەك فينالعا جولداما الدى. يرلانديا مەن يتاليادان ءۇش سپورتشىدان شارشى الاڭداعى كەزدەۋلەرىن جالعاستىرادى.

اۆتور: مارلان جيەمباي