اتىراۋ وبلىسىندا «نۇرلى جەر» بويىنشا 80 گەكتارعا بىرتەكتەس ۇيلەر سالىنادى

 استانا. قازاقپارات - اتىراۋ وبلىسىندا «نۇرلى جەر» باعدارلاماسى بويىنشا 480 گەكتار جەر دايىن تۇر. بۇل تۋرالى اتالعان ءوڭىردىڭ اكىمى نۇرلان نوعايەۆ ءمالىم ەتتى، دەپ حابارلايدى قازاقپارات.

«قازىرگى تاڭدا «نۇرلى جەر» باعدارلاماسى اياسىندا 497 مىڭ شارشى مەتر تۇرعىن ءۇي پايدالانۋعا بەرىلدى. بۇل وتكەن جىلدىڭ سايكەس كەزەڭىمەن سالىستىرعاندا 38 پايىزعا ارتىق. جالپى، قۇرىلىس جۇمىستارىنىڭ كولەمى 395 ميلليارد تەڭگەنى قۇرادى» ، - دەدى وبلىس اكىمى ۇكىمەت ۇيىندە وتكەن باسپا ءسوز ءماسليحاتىندا.

 اكىمدىك مالىمەتىنشە، «نۇرلى جەر» باعدارلاماسىن جۇزەگە اسىرۋ اياسىندا حالىقتىڭ الەۋمەتتىك ءالسىز توبىنا جالپى اۋدانى 135,6 مىڭ شارشى مەتر 675 پاتەرلىك 13 ءۇي پايدالانۋعا بەرىلدى. سونىمەن قاتار اۋدانى 92,3 مىڭ شارشى مەتر بولاتىن 1 332 پاتەرلى 24 نەسيەلىك تۇرعىن ءۇيدىڭ قۇرىلىسى ءجۇرىپ جاتىر. «باعدارلامادا قاراستىرىلعان بارلىق باعىتتار بويىنشا جۇمىستار اتقارىلۋدا. بۇگىندە ينفراقۇرىلىمى تارتىلعان 480 گەكتار دايىن تۇر جانە 80 گەكتاردا بىرتەكتەس ۇيلەر سالۋ شەشىمى قابىلداندى» ، - دەدى نۇرلان نوعايەۆ.

 

 اۆتور: رۋسلان عابباسوۆ