كوكشەتاۋ تۇرعىنى سوعىستا جوعالىپ كەتكەن اتاسى تۋرالى 76 جىلدان كەيىن حابار الدى

None
None
استانا. قازاقپارات - 1942 -جىلى جوعالىپ كەتكەن قازاقستاندىق باتىردىڭ نەمەرەسى قانات جامانبايەۆ اتاسىنىڭ سۇيەگىن تۋعان جەرىنە جەرلەۋدەن ءۇمىتىن ۇزگەن بولاتىن.

سوعىس جىلدارىندا ءاربىر جاۋىنگەر ءوزى تۋرالى دەرەكتەردى ءولىم مەدالونىنا ەنگىزەدى ەكەن. مىنە، ءدال سول مەدالوننىڭ ارقاسىندا تابىلعان ساربازدىڭ كىم ەكەنى انىقتالدى.

بۇل تۋرالى Sputnik قازاقستان حابارلايدى.

كوپتەگەن ساربازدار مەدالونعا ءوزى تۋرالى مالىمەت جازعاننان كەيىن، بىردەن قايتىس بولاسىڭ، دەپ مۇنى جامان ىرىمعا بالاعان. سوندىقتان مايداندا قازا تاپقان جۇزدەگەن جانە مىڭداعان جاۋىنگەرلەر ءالى كۇنگە دەيىن جوعالعاندار ساناتىندا.

ال ارنايى ىزدەۋ توبى ەشتەڭەگە قاراماستان، ءاربىر كەڭەس جاۋىنگەرىنىڭ سۇيەگى ءبىر كۇنى ءوز جەرىندە جەرلەنەدى دەپ سەنەدى.

«لەنينگراد توپىراعى قازاق جاۋىنگەرىنىڭ سۇيەگىن تەك 76 جىلدان كەيىن عانا بەردى. بولاشاقتا، قازاقستاننىڭ باسقا دا باتىرلارى ءوز جەرىندە جەرلەنەدى دەپ ۇمىتتەنەمىز»، -  دەپ جازدى سانكت-پەتەربۋرگتىڭ ىزدەستىرۋ توبىمەن بايلانىسقان «ارلان» اسكەري-پاتريوتتىق قورىنىڭ جەتەكشىسى امانجول ورازبايەۆ.

ال سوعىس كەزىندە ءىس-ءتۇسسىز جوعالىپ كەتكەن قازاقستاندىق باتىردىڭ تۋىستارىنىڭ ىزدەستىرىلىپ جاتقانى تۋرالى اقپارات الەۋمەتتىك جەلىلەردە تاراعان بولاتىن. وسى جاريالانعان مالىمەتتەردىڭ ارقاسىندا بىرنەشە ساعاتتان كەيىن جوعالعان ساربازدىڭ نەمەرەسى كوكشەتاۋدان تابىلدى.

«ايتاتىن ءسوزىم جوق! اتامىزدىڭ سۇيەگىنىڭ تابىلعانىنا ءالى دە سەنە الماي وتىمىن»، - دەيدى قانات جامانبايەۆ.

«مەنىڭ اكەم - قايىر جامانبايەۆ اتامىزدان قالعان جالعىز ۇل ەدى. ودان ءتورت ۇل بار، مەن - كىشىسىمىن. بالا كەزىمدە اكەمنەن اتام قايدا دەپ سۇرايتىنمىن. ول اتاڭ مايداندا قازا بولدى، ءبىراق ونى ەشكىم تابا المادى دەگەن ەدى. اكەم اتامنىڭ مىقتى، ءارى باتىل جانە قاراپايىم ادام بولعانىن ايتاتىن. وكىنىشكە وراي، اكەمىز دۇنيەدەن ەرتە كەتتى. سوندىقتان بىزدە اتامىز تۋرالى اقپارات وتە از»، - دەيدى باتىردىڭ نەمەرەسى.

تاۋەلسىزدىك جىلدارىندا قانات جامانبايەۆ اتاسى تۋرالى قانداي دا ءبىر اقپاراتتى بىلۋگە ​​تىرىستى، ءبىراق بارلىق ارەكەتتەر ءساتسىز بولعان.

«سوڭعى ەكى جىلدا اتامدى ىزدەۋدى توقتاتتىم. ءبىراق كۇندەردىڭ ءبىر كۇنى مەن تاستاپ كەتكەن دەرەكتەردەن حابار كەلەتىنىنە ۇمىتتەندىم»، -  دەيدى قانات جامانبايەۆ.

رەسەي توپىراعىنان تابىلعان قازاقستاندىق باتىر ابدۇلقاسىم جامانبايەۆتىڭ نەمەرەسى اتاسىنىڭ سۇيەگى تۋعان جەرىندە جەرلەنىپ، جانى تىنىشتىق تابادى دەپ ۇمىتتەنەدى. وسىنشا جىلداردان كەيىن اتاسى تۋرالى حابار العان قانات جامانبايەۆ اتاسىنىڭ سۇيەگىن تۋىستارىنىڭ دۇعالارىمەن، وزىنە لايىق سوڭعى اسكەري سىي-قۇرمەت كورسەتىپ جەرلەگىسى كەلەدى.

«ءبىز اتامىزدىڭ سۇيەك قالدىقتارىن تۋعان جەرىنە الىپ كەلىپ، اكەمىزدىڭ جانىنا جەرلەگىمىز كەلەدى. ءبارىن دۇرىس جاساعىمىز كەلىپ تۇر. سۇيەكتى وتانىمىزعا اكەلۋدە ەشقانداي قيىندىقتار تۋىندامايدى دەپ ۇمىتتەنەمىن. سونداي-اق، اتامىزدىڭ سۇيەگى تابىلعان جەرگە دە ەسكەرتكىش تاس ورناتۋدى ويلاستىرىپ وتىرمىز»، - دەپ قورىتىندىلادى قانات جامانبايەۆ.

  

سوڭعى جاڭالىقتار