12:02, 13 - قازان 2017 | GMT +6
تاريحي مۋزەيدە 60 جىلدان بەرى تۇرعان مۋميانى كومگەلى جاتىر
استانا. قازاقپارات - بىشكەكتەگى قىرعىز مەملەكەتتىك تاريحي مۋزەيىندە ساقتاۋلى تۇرعان مۋميا انتروپولوگيالىق زەرتتەۋدەن كەيىن كومىلەدى، دەپ حابارلايدى كابار.
مۇنداي شەشىم كەشە، 12 -قازاندا مۋميانى كومۋ جونىندەگى ۆەدومستۆوارالىق كوميسسيانىڭ وتىرىسى بارىسىندا قابىلداندى.
قىرعىزستان مادەنيەت، اقپارات جانە تۋريزم ءمينيسترى تۇگەلباي قازاقوۆ اتاپ وتكەندەي، مۋزەيدە 60 جىلدان بەرى تۇرعان مۋمياعا انتروپولوگتار مەن زەرتتەۋگە قاجەتتى قۇرالداردىڭ بولماۋى سالدارىنان عىلىمي زەرتتەۋ جۇرگىزىلمەي كەلگەن.
مۋميانىڭ سول كۇيى ساقتالۋى ءۇشىن ارنايى بالزامداۋ پروتسەدۋرالارىن جۇرگىزۋ قاجەت.