+7 (701) 759 90 19 Лента
10 °С : استانا
15 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

وزىمىزگە دەگەن سەنىمدىلىكتى جوعالتاتىن 5 نارسە

14 ناۋرىز 12:53 168
ءبولىسۋ:
وزىمىزگە دەگەن سەنىمدىلىكتى جوعالتاتىن 5 نارسە

استانا. قازاقپارات - كوپ نارسەگە قول جەتكىزگىسى كەلەتىن، ءبىراق جەتىستىككە جەتە الاتىنىنا سەنبەيتىن جاندارعا ارنالعان بىرنەشە كەڭەس.

وزىنە سەنىمدى ادامدار كىمدى بولسا دا تامساندىرادى. ولاردى كورگەن كەزدە، وسىنشا جەتىستىككە ولار وزدەرىنە قاتتى سەنگەندىكتەن قول جەتكىزدى دەگەن وي كەلەدى.

شىن مانىندە، ولار ءوزىن-ءوزىن باعالاۋعا تەرىس ىقپال ەتەتىن ويلار مەن ەموتسيالاردان قالاي قۇتىلۋ كەرەك ەكەنىن بىلەدى.

1. سالىستىرۋ

بالا كەزىمىزدەن باستاپ ءبىز باسقالارمەن باسەكەلەسىپ كەلەمىز. الايدا بارلىق تۇرعىدان ءبارىن بىردەي وزۋ مۇمكىن ەمەس. ونىڭ ورنىنا ءسىز ءوزىڭىزدىڭ ەڭ جاقسى نۇسقاڭىزسىز با؟ سونى ويلاڭىز. ول ءۇشىن ءوزىڭىزدىڭ كۇشتى جانە ءالسىز جاقتارىڭىزدى شىن مويىنداۋىڭىز كەرەك. ەگەر كەشەگى كۇنىڭىزبەن سالىستىرعاندا بۇگىن شىنىمەن جەڭىسكە جەتكىڭىز كەلسە، (كەشەگى ءوزىڭىزدى وزۋ ءۇشىن) ءوزىڭىزدى دامىتۋعا وتە كوپ كۇش جۇمساۋعا تۋرا كەلەدى. سول كەزدە باسقالارعا قاراۋعا ۋاقىتىڭىز دا بولماي قالادى. وزگەمەن ەمەس، وزىڭىزبەن اۋرە بولىڭىز.

2. وتكەن ساتسىزدىكتەر

وتكەن جەڭىلىستەردىڭ كۇيىنىشتەرىن مويىنداۋ ءۇشىن ۇلكەن باتىلدىق قاجەت، ءبىراق سوعان قاراماستان جاڭا بەلەستەردى باعىندىرۋعا ۇمتىلۋ كەرەك. بار كۇشىڭىزدى جەڭىسكە جەتۋگە جۇمساڭىز. ساتسىزدىكتەرگە بولا، ماقساتتارىڭىزدان باس تارتپاڭىز.

3. دايىندىقسىز بولۋ

ءاربىر كۇن بىزگە بولاشاقتاعى جەڭىستەرگە دايىندالۋعا مۇمكىندىك بەرەدى. ءار كۇننىڭ قادىرىن ءبىلىپ، ءار كۇندى بارىنشا پايدالى ەتىپ وتكىزۋ كەرەك.

جەڭىمپاز سياقتى ءومىر ءسۇرۋ ءۇشىن، جەڭىمپاز سياقتى ويلانۋ كەرەك. ومىرىندە ءبىر رەت بولسا دا جەڭىمپاز بولعان جان ونىڭ ارتىندا قانداي ەڭبەك جاتقانىن جاقسى بىلەدى.

ءسىز كوبىرەك ەڭبەكتەنۋگە دايىنسىز با؟ ناتيجە ءۇشىن قولايسىز جاعدايلارعا شىداۋعا كەلىسەسىز بە؟ ەگەر «ءيا» دەسەڭىز، وندا بولاشاق جەڭىستەر ءۇشىن ءدال بۇگىننەن باستاپ ىسكە كىرىسىڭىز. سەنىمدىلىك قاجەتتى داعدى جانە تاجىريبەمەن بىرگە كەلەدى.

4. قورقىنىش

سىننان قورقۋ (جۇرتتار نە دەيدى؟) - كوپشىلىگىمىزدى قالاعان نارسەمىزگە قول جەتكىزۋگە كەدەرگى كەلتىرەتىن ەڭ ۇلكەن قورقىنىش. نەگىزىندە، ەگەر وعان ۇلكەن ءمان بەرمەسەڭىز، اينالاداعى ادامداردىڭ پىكىرلەرىنىڭ ەشقانداي كۇشى جوق. بۇل ومىردە سىنشى كوپ. ءيت ۇرەدى، كەرۋەن كوشەدى. ءسىزدىڭ سەنگەن نارسەڭىز كەز كەلگەن ۇرەي مەن قورقىنىشتان الدەقايدا ماڭىزدىراق.

5. تەرىس ويلاۋ (نەگاتيۆتى وي)

ءسىزدىڭ مىڭداعان مۇمكىندىكتەرىڭىز بار ەكەنىن ەشقاشان ۇمىتپاڭىز. ءوزىڭىزدى تۇڭعيىققا تارتاتىن جانە ۇمىتسىزدىك سەزىمىن تۋدىراتىن ويلاردان ارىلىڭىز. سىندارلى (كونسترۋكتيۆتى) ويلاۋعا ۇيرەنىڭىز. ويتكەنى ءسىزدىڭ تەك ءدال قازىرگى كوڭىل-كۇيىڭىز عانا ەمەس، بولاشاعىڭىز دا وسىعان بايلانىستى.

ەسىڭىزدە بولسىن، وزىڭىزگە دەگەن سەنىمدىلىك - كوپتەگەن جەڭىستەردىڭ ناتيجەسى عانا ەمەس، بەلگىلى ءبىر دارەجەدە ولاردىڭ سەبەبى دە.

ءسىزدىڭ قالاعان نارسەڭىزگە قول جەتكىزە الاتىنداي كۇش-قۋاتىڭىز، اقىلىڭىز جانە ەڭبەككە دەگەن قابىلەتىڭىز بار. دەمەك، ءسىزدىڭ وزىڭىزگە سەنبەۋگە ەش سەبەبىڭىز جوق.


باستى سوزدەر: مادةنيةت,
ءبولىسۋ:
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مذراعات