تۇرمەدە زورلانعان ايەل ءىسى: ادىلەت پولكوۆنيگى 5 جىلعا سوتتالدى

الماتى. قازاقپارات - تۇرمەدە زورلانىپ، جۇكتى بولعان ناتاليا سلەكيشينانىڭ ءىسى بويىنشا سول كەزدەگى لا-155/18 ۋاقىتشا تەرگەۋ يزولياتورىنىڭ باسشىسى ەرمەك وماربەكوۆكە قاتىستى سوت ۇكىمى شىقتى، دەپ حابارلايدى قازاقپارات ءتىلشىسى.

بۇگىن تۇركىسىب اۋداندىق سوتىندا ەرمەك وماربەكوۆكە قاتىستى سوت شەشىم شىعاردى. ول قىزمەت بابىنداعى سالعىرتتىعى (ق ر ق ك 370-بابى، 4 تارماعى)، قىزمەتتىك لاۋازىمىنا زيان كەلتىرۋ (ق ر ق ك 361-بابى، 2-تارماعى) باپتارى بويىنشا كىنالى دەپ تانىپ، 5 جىلعا سوتتالدى. سونىمەن قاتار، ادىلەت پولكوۆنيگى لاۋازىمىنان ايىردى.

ەسكە سالا كەتەيىك، 2015-جىلى تۇرمە قىزمەتكەرى رۋسلان حاكيموۆ زورلاپ، ودان بالا تۋدىم دەگەن ن. سلەكيشينا سول كەزدەگى ۋاقىتشا ۇستاۋ مەكەمەسىنىڭ باسشىسى ەرمەك وماربەكوۆكە وقيعا تۋرالى ارىزدانعان.

الايدا ول ەشقانداي ارەكەت جاساماعان. ال ن. سلەكيشينانى زورلاعان ر. حاكيموۆتىڭ كىناسى دالەلدەنىپ، 9 جىلعا تۇرمەگە قامالعان بولاتىن.

اۆتور: الماس مۇقاش ۇلى