تۇركيا 500 مىڭنان استام قازاقستاندىق تۋريستى كۇتۋدە

None
None
 استانا. قازاقپارات - تۇركيا اعىمداعى جىلى 500 مىڭنان استام قازاقستاندىق تۋريستى كۇتۋدە. بۇل تۋرالى الماتىداعى «تۋريزم جانە ساياحات» حالىقارالىق كورمەسىنە كەلگەن تۇركيا مادەنيەت جانە تۋريزم مينيسترلىگىنىڭ وكىلى دجەنگيز ايدىن ءمالىم ەتتى، دەپ حابارلايدى انادولى اگەنتتىگى.

ونىڭ سوزىنە قاراعاندا، تۇركيانىڭ ەكسپوزيتسياسى 215 شارشى مەترگە ورنالاسقان. كورمەگە 15 ءىرى تۇركى وتەلى مەن قوناقۇي توپتارى ۇسىنىلدى.

تۇركيا قازاقستانمەن تۋريزم سالاسى بويىنشا ىنتىماقتاستىقتى باسىمدىقتى باعىت دەپ ەسەپتەيدى.

دجەنگيز ايدىننىڭ ايتۋىنشا، كورمە اياسىندا قازاقستاننىڭ تۋريستىك سالاسىنداعى وكىلدەرمەن كەزدەسۋلەر بولعان.

«كەزدەسۋلەر تابىستى ءوتتى. قازاقستان تۋريزم بويىنشا تۇركيا نارىعى ءۇشىن ماڭىزدى. 2017 -جىلى تۇركياعا قازاقستاننان 425 مىڭ تۋريست بارعان. ال اعىمداعى جىلى قازاقستاننان 500 مىڭنان استام تۋريستى كۇتۋدەمىز» ، - دەدى ايدىن.

 مينيسترلىك وكىلىنىڭ سوزىنشە، قازاقستان ازاماتتارى تۇركيادا دەمالۋعا ۇلكەن قىزىعۋشىلىق تانىتادى.

سوڭعى جاڭالىقتار