استانادا وتەتىن جۇمىس جارمەڭكەسىندە 500 گە جۋىق بوس ورىن ۇسىنىلادى

استانا. قازاقپارات - استانا قالاسى اكىمدىگىنىڭ حالىقتى جۇمىسپەن قامتۋ ورتالىعى 22 - قىركۇيەكتە «جاستار» سارايىندا ساعات 10:00-دەن 13:00-گە دەيىن بوس جۇمىس ورىندار جارمەڭكەسىن وتكىزەدى، دەپ حابارلايدى ۆەدومستۆونىڭ باسپا ءسوز قىزمەتى.

 جارمەڭكەگە QAZAQ BANKI، كازكوممەرس بانك، تۇرعىن ءۇي قۇرىلىس جيناق بانكى سياقتى ەكىنشى دارەجەلى بانكتەر، ىشكى ىستەر دەپارتامەنتى، ۇلتتىق عىلىمي مەديتسينالىق ورتالىعى، ۇلتتىق مۇراجاي، اقمولا ۆاگون قۇرىلىس زاۆودى سياقتى ەلوردانىڭ ءتۇرلى سالاداعى 50-گە جۋىق جۇمىس بەرۋشىلەرى قاتىسادى، ولار وزدەرىنىڭ نەسيە كونسۋتالتانتى جانە مەنەدجەر، قارجىگەر، كاسسير، ىشكى ىستەر ورگاندارىنىڭ قىزمەتكەرلەرى، مەديتسينالىق قىزمەتكەرلەر، ەلەكتروگازدانەكەرلەۋشى، فرەزەروۆشيك، كران ماشينيستى، ونەر جانە مادەنيەت ماماندارى جانە باسقا دا 500-گە جۋىق بوس جۇمىس ورىندارىن ۇسىنادى.