استانادا «جازعى» دوڭعالاقپەن جۇرگەن جۇرگىزۋشىنىڭ كەسىرىنەن 4 كولىك سوقتىعىستى

استانا. قازاقپارات - استانا ءى ءى د اۋا رايىنىڭ كۇرت تومەندەپ كوكتايعاق بولۋىنا بايلانىستى، جولدا بارىنشا مۇقيات بولۋعا شاقىردى، دەپ حابارلايدى ەلوردا اكىمدىگىنىڭ مەديا ورتالىعى.

پوليتسەيلەر جول بەلگىلەرىنە قاتىستى بارلىق تالاپتار مەن قاجەتتى اراقاشىقتى ساقتاۋدا جۇرگىزۋشىلەردى مۇقيات بولۋىن ەسكەرتەدى. ونىڭ ۇستىنە، قازىرگىدەي اۋا رايىندا جازعى دوڭعالاقپەن ءجۇرۋ مۇمكىن ەمەس.

18 -قاراشا كۇنى تويوتا اۆتوكولىگىنىڭ جۇرگىزۋشىسى جازعى دوڭعالاعىن قىسقى «شيناعا» اۋىستىرماعاندىقتان، قورعالجىن تاس جولىندا ءىرى ج ك و جاسادى. ءى ءى د باسپا ءسوز قىزمەتىنىڭ مالىمەتىنشە، جۇرگىزۋشى اۋا رايىن ەسكەرمەستەن جولدا ءرۋلدى باسقارا الماي، بۇيىرگە كەلىپ سوقتىعىسقان. بۇدان كەيىن كولىك قاراما قارسى بەتتە كەلە جاتقان كولىككە سوقتىعىسىپ، وزگە دە كولىكتەردىڭ سوقتىعىسۋىنا الىپ كەلگەن. ناتيجەسىندە 4 كولىك زارداپ شەگىپ، 6 ادامعا مەديتسينالىق كومەك كورسەتىلدى.

قازگيدرومەتتىڭ مالىمەتىنشە، سەنبى كۇنى استانادا قار جاۋىپ، كوكتايعاق بولادى. وڭتۇستىك- باتىستان سوققان جەل 9-14 م/س جىلدامدىقپەن سولتۇستىك- باتىسقا قاراي ىعىسادى. تۇندە تەمپەراتۋرا 0...-2 س، كۇندىز 0 س جۋىق بولادى. جەكسەنبى كۇن بۇلتتى، جاۋىن جاۋمايدى. باتىستان سوققان جەل 9-14 م/س وڭتۇستىك- باتىسقا قاراي اۋىتقيدى. اۋا تەمپەراتۋراسى تۇندە -3...-5 س، كۇندىز 0...-2 گرادۋستى كورسەتەدى.