اۋا رايى
Астана 7 °С
Алматы 5 °С
ۆاليۋتا باعامى
USD 335.24
EUR 395.82
RUB 5.82
CNY 50.65

كۇرەستەن الەم چەمپيوناتىندا 3-ورىن العان اقمولالىق ويدا جوقتا كۇمىس جۇلدەگەر اتاندى

كۇرەستەن الەم چەمپيوناتىندا 3-ورىن العان اقمولالىق ويدا جوقتا كۇمىس جۇلدەگەر اتاندى
13 قازان 08:01 139

كوكشەتاۋ. قازاقپارات - اقمولالىق پالۋان سپورتتىق كۇرەستەن وتكەن الەم چەمپيوناتىندا ويلاماعان جەردەن كۇمىس جۇلدەگەر اتاندى، دەپ حابارلايدى قازاقپارات ءتىلشىسى.

وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى بەرگەن مالىمەتتەرگە قاراعاندا، بولگاريانىڭ پلوۆديۆ قالاسىندا ارداگەرلەر اراسىندا وتكەن بايراقتى دوداعا قازاقستان ۇلتتىق قۇراماسى ساپىندا بولعان اقمولا وبلىسىنان ءتورت پالۋان قاتىستى.

ونىڭ ىشىندە اتباسارلىق قايرات بورانبايەۆ 85 كەلى سالماق بويىنشا ءۇشىنشى ورىننان كورىندى. الايدا، جۇلدەگەرلەردى ماراپاتتاۋ ءراسىمى كەزىندە جارىس جەڭىمپازى يران پالۋانى ەكىنشى ورىن العان يزرايل سپورشىسىنىڭ قولىن الماق تۇگىلى تۇعىرعاعا شىقپادى. تورەشىلەر اساۋ مىنەز تانىتقان يراندىقتى جارىستان شىعارىپ تاستادى. ناتيجەسىندە اقمولالىق قايرات بورانبايەۆ اۆتوماتتى تۇردە كۇمىس جۇلدەگەر اتانىپ شىعا كەلدى.

ەسكە سالا كەتەيىك، وسىعان دەيىن تاعى ءبىر اقمولالىق پالۋان مۇحتار ۋسين 70 كەلى سالماقتا گرەك-ريم كۇرەسى بويىنشا بوز كىلەمگە شىعىپ، جۇلدەلى ءۇشىنشى ورىننان كورىنگەن بولاتىن. مۇرات العاشقى بەلدەسۋدە 4-1 ۇپاي سانىمەن يراندىقتان باسىم ءتۇستى. ال، جارتىلاي فينالدا الەمنىڭ 5 دۇركىن چەمپيونى فرانسۋزدىق گەورگي حريستوۆقا ەسە جىبەرىپ الدى. قولا مەدال ءۇشىن كۇرەستە الاڭ يەسىنەن 1-0 ۇپايى ايىرماسىمەن ايلاسىن اسىرا ءبىلدى.

 

 

 

باستى سوزدەر: سپورت,
Нашли ошибку? Выделите её и нажмите CTRL+ENTER

پئكئر قالدئرؤ