قازاقستان مەن قىتايدىڭ اراسىنداعى سىرتقى ساۋدا اينالىمى بيىل 31 پايىزعا ارتتى

استانا. قازاقپارات -  ەكسپورت ەكسپورت كولەمى 3,5 ميلليارد، ال يمپورت 3 ميلليارد دوللاردى قۇرادى.

رەسمي مالىمەت بويىنشا شىعىستاعى الىپ كورشىمىزبەن اقتوبە، قاراعاندى جانە شىعىس قازاقستان وبلىستارى بەلسەندى ارىپتەستىك ورناتقان.

قازاقستان قىتايعا مىس، راديواكتيۆتى ەلەمەنتتەر، فەرروقورىتپاسى جانە باسقا دا مەتالداردى ساۋدالايدى. قىتايمەن بەلسەندى جۇمىس ىستەپ جاتقان اقتوبە، قاراعاندى جانە شىعىس قازاقستان وبلىستارى.

بۇل ايماقتار ەكى ەل اراسىنداعى ساۋدا-ساتتىقتىڭ 51 پايىزدىق ۇلەسىنە يە. كورشىمىزدەن كەلەتىن تاۋارلاردىڭ كولەمى دە ارتقان. كوبىندە ۇيالى تەلەفون، كومپيۋتەر جانە كيىم-كەشەك اكەلىنەدى.

قىتايدان كىرگەن تاۋارلاردىڭ 48 پايىزى الماتىنىڭ ۇلەسىندە. جارتى جىلدىڭ ىشىندە وڭتۇستىك استاناعا 1 ميلليارد دوللاردىڭ تاۋارى يمپورتتالدى. وتكەن جىلدىڭ ءبىرىنشى توقسانىنداعى كورسەتكىشپەن سالىستىرعاندا 53 پايىزعا وسكەن.

ما سياوحە، قىتاي ماكروەكونوميكا زەرتتەۋ ورتالىعى ديرەكتورىنىڭ ورىنباسارى:

- بيىل الەم ەكونوميكاسى بىرتىندەپ وڭالا باستادى. بۇل سىرتقى ساۋدا اينالىمىنىڭ ارتۋىنا ىقپال ەتتى. قازاقستان مەن قىتاي اراسىنداعى سىرتقى ساۋدا اينالىمى وتكەن جىلمەن سالىستىرعاندا الدەقايدا جاقسى كورسەتكىشتەرگە جەتتى. بۇل ەكى ەلدە دە ىشكى سۇرانىسىنىڭ ارتقانىن كورسەتەدى.

 ما سياوحەنىڭ ايتۋىنشا، قازاقستان مەن قىتايدىڭ سىرتقى ساۋدا كولەمىن ەسەلەۋگە مۇمكىندىگى مول.

«ول ءۇشىن ەركىن ەكونوميكالىق ايماقتاردىڭ ستاتۋسىن ەركىن لوگيستيكالىق ايماق دارەجەسىنە دەيىن كوتەرۋ كەرەك. سونىمەن قاتار بىرلەسىپ جاڭا تەحنولوگيالاردى يگەرۋ قاجەت»، -  دەيدى.

ليۋ باوچەن، حالىقارالىق بيزنەس- ەتيكا ورتالىعىنىڭ ديرەكتورى:

- «ءبىر بەلدەۋ، ءبىر جول» ستراتەگياسى كورشى ەلدەرمەن ۇزاق مەرزىمدى ستراتەگيالىق جوبالاردى جۇزەگە اسىرۋعا مۇمكىندىك بەردى. ناتيجەسىندە قازاقستان مەن قىتاي اراسىنداعى سەنىمدىلىك ارتىپ، ارىپتەستىك نىعايا ءتۇستى.

قازىر جاسىراتىنى جوق، كوپتەگەن مەملەكەت باس پايداسىن عانا كوزدەپ، ەكونوميكالىق قارىم-قاتىناستار باسەڭدەپ كەتتى. الايدا قازاقستان كورشىلەرىمەن تىعىز بايلانىس ورناتىپ، ەكونوميكالىق ورلەۋگە قول جەتكىزدى.

وتكەن اپتادا عانا قازاقستان قىتايمەن 5,3 ميلليون دوللاردىڭ ەكسپورتتىق كەلىسىمشارتىنا وتىردى. ۇرىمشىدە وتكەن بيزنەس فورۋمدا 13 وتاندىق ءونىم ءوندىرۋشى جۇزگە جۋىق جەرگىلىكتى كومپانياعا ءوز تاۋارلارىن تانىستىردى.

www.24.kz