+7 (701) 759 90 19 Лента
18 °С : استانا
18 °С : الماتى
USD 326.17 EUR 401.25
RUB 5.31 CNY 51.84
جاڭالىقتار

كەلەسى اپتادا «قازاق ەلى» كينوتۋىندىسىنىڭ 2 - كەزەڭى تۇسىرىلە باستايدى

17 ءساۋىر 16:48 257
ءبولىسۋ:
كەلەسى اپتادا «قازاق ەلى» كينوتۋىندىسىنىڭ 2 - كەزەڭى تۇسىرىلە باستايدى

 شىمكەنت. قازاقپارات - وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ «قازاق ەلى» كوپ ءبولىمدى تاريحي- درامالىق تەلەۆيزيالىق سەريالىنىڭ ءتۇسىرىلىم توبىمەن كەزدەستى. باسقوسۋعا تۋىندىنىڭ قويۋشى- رەجيسسەرى رۇستەم ءابدىراشوۆ پەن باس پروديۋسەر ارمان اسەنوۆ باستاعان شىعارماشىلىق توپ قاتىستى،

  دەپ حابارلايدى قازاقپارات ءتىلشىسى.

فيلمنىڭ قويۋشى- رەجيسسەرى رۇستەم جاراسقان ۇلى كەزدەسۋ بارىسىندا تاريحي شىعارمانىڭ وڭىردەگى تۇسىرىلىمىنە قولداۋ كورسەتۋ قاجەتتىگىن جەتكىزدى. ال، ايماق باسشىسى تاريحي سەريالدىڭ ۇرپاق تاربيەسىندەگى ماڭىزدىلىعى مەن قازاق تاريحىنداعى وڭتۇستىك ءوڭىرىنىڭ تاريحي مانىنە توقتالدى.

«وڭتۇستىك - قازاق تاريحىنىڭ نەگىزگى كەزەڭى وتكەن ەرەكشە ولكە. ەلباسىنىڭ باستاماسىنداعى رۋحاني جاڭعىرۋدا دا وڭىردەگى تاريحي ورىنداردىڭ وزىندىك ورنى زور. تۇركىستان، ورداباسى، قازىعۇرت، سايرام، ساۋران، وتىرار، مارتوبە سىندى قاسيەتتى ورىنداردىڭ بارلىعىندا دا ۇلت تاعدىرىن قالىپتاستىرعان ايتۋلى وقيعالار ءوتتى. كينو - تاربيە قۇرالى. وسىنداي تاريحي دۇنيەلەر ارقىلى ءبىز بولاشاق ۇرپاقتىڭ بويىنا وتانشىلدىق، ەرلىك، نامىسقويلىق سىندى اسىل قاسيەتتەردى سىڭىرەمىز. سوندىقتان دا ۇلكەن ءۇمىت كۇتكەن تاريحي فيلمدى وڭتۇستىكتە تۇسىرۋلەرىڭىز وتە ورىندى، قولدايمىز. دەگەنمەن، كينودان وسى ءوڭىردىڭ تالانتتى ارتىستەرىن دە كورگىمىز كەلەدى. مۇندا كاسىبي دەڭگەيدەگى ونەر ادامدارى جەتكىلىكتى. اتالعان فيلمگە جەرگىلىكتى ارتىستەردى قاتىستىرۋدى ۇسىنامىن»، - دەدى جانسەيىت تۇيمەبايەۆ.

 جيىندى قورىتقان جانسەيىت قانسەيىت ۇلى كيىز ۇيلەر، ات، كونە دەكوراتسيالار، مەديتسينالىق جانە قاۋىپسىزدىك قولداۋ سىندى كومەكتىڭ بارلىعى جاسالىناتىنىن جەتكىزدى. ءتيىستى سالا، مەكەمە باسشىلارىنا تاپسىرما بەردى.

ايتا كەتەيىك، فيلمدى ەلباسىنىڭ «ماڭگىلىك ەل» باعدارلاماسىنا سايكەس ق ر مادەنيەت جانە سپورت مينيسترلىگىنىڭ تاپسىرىسى بويىنشا «قازاق فيلم» ا ق تاسپالاۋدا. «قازاق ەلى» كوپ ءبولىمدى تاريحي- درامالىق تەلەۆيزيالىق سەريالىنىڭ العاشقى ماۋسىمى «الماس قىلىش» دەپ اتالسا، Ⅱكەزەڭى «التىن تاق» دەگەن اتاۋمەن تۇسىرىلەدى.

 تۋىندىنىڭ وڭتۇستىكتەگى ءتۇسىرىلىمى بيىل 25 - ساۋىردەن 4 - شىلدەگە دەيىن جالعاسادى. تۇلكىباس، تولە بي اۋداندارى مەن ارىس، اقسۋ وزەندەرىنىڭ بويىندا جانە تۇركىستان قالاسىنداعى «ازىرەت سۇلتان» مەملەكەتتىك تاريحي- مادەني قورىق- مۇراجايىندا «كەرەي حاننىڭ اۋىلى»، «حان ورداسى» سىندى دەكوراتسيالار جاسالىنباقشى.

اۆتور: اينۇر اقبايەۆا


ءبولىسۋ:
ونلاين قىزمەتكەرلەر
مذراعات