ۇڭگىردە 25 جىل جالعىز تۇرعان ادامنىڭ باسپاناسىنا كىرگەندەر جاعاسىن ۇستادى
ا ق ش- تىڭ نيۋ- مەكسيكو شاتاتىندا ورنالاسقان بۇل جەردى شىن مانىندە كەرەمەت تۋىندىلار مۇراجايى دەۋگە كەلەدى. 67 جاسقا كەلگەنىنە قاراماستان ول كۇندە ۇڭگىردىڭ قابىرعالارىنا قايتالانباس ورنەك سالادى.
كۇرەك، قولاربا جانە قايلا سەكىلدى قولدا بار اسپاپتاردى پايدالانا وتىرىپ، ول جەر استىنان جول قازىپ، ونىڭ قابىرعالارىن ءوز قولىمەن بەزەندىرەدى. شەبەردىڭ ءوزىنىڭ ايتۋىنشا، بۇل ماشاقاتتى ەڭبەكتىڭ ءار ساتىنەن تەڭدەسسىز ءلاززات الادى. را پولەتت ءومىرىنىڭ مانىنە اينالعان ماشىق تاپقانىنا ءدان ريزا.
ءوز قولىمەن جاساعان ۇڭگىرگە كەلگەن ساياحاتشىلاردان بولماشى عانا اقشا الادى. ول اتاققا دا اقشاعا دا قۇمار ەمەس. ونىڭ بار كوزدەگەنى - جاساعان تۋىندىلارى ادامداردى ءبىر اۋىق كۇيبەڭ تىرلىكتەن ارىلتىپ، ولارعا بۇل ومىردەگى ءوز ورنى تۋرالى وي سالۋ. را پولەتتىڭ ارنايى ءبىلىمى دە جوق. ءبىر كۇنى ۇيقىدان ويانعان ول ۇڭگىر قازعىسى كەلەتىنىن تۇيسىنگەن.
ءوزىنىڭ العاشقى جەراستى باسپاناسىن 1987 -جىلى قازىپتى. تۋىندى اۆتورى قازعان ۇڭگىرىنىڭ مۇنشالىقتى تانىمال بولادى دەپ ويلاماپتى. سوندىقتان جەراستى جولدارىن قىزىققۇمارلار ءۇشىن جاۋىپ تاستاۋىنا دا تۋرا كەلگەن. ويتكەنى وندا قاۋىپسىزدىك شارالارى تولىعىمەن قارالماعان ەدى. ۇڭگىردىڭ قابىرعالارىن را پولەتت ءوز قولىمەن بەزەندىرەدى. را پولەتتىڭ قولىنان شىققان تۋىندىلار تىلسىمىمەن باۋراپ الادى. ونىڭ ءبارىن جاساۋعا قانشاما تەر توگىلگەنى ونىڭ وزىنە عانا ايان. ول ەڭ الدىمەن وزگەلەر ءوزىنىڭ بۇل دۇنيەمەن تۇتاستىعىن سەزىنۋ ءۇشىن ەڭبەكتەنەدى. را پولەتت ۇڭگىرلەرى ادەمى ءارى كاسىبي بەزەندىرىلگەن: بۇل - ادامنىڭ تابيعي دارىنىنان حابار بەرسە كەرەك.
قازىرگى كەزدە را پولەتت 14 ۇڭگىر قازىپ، ەندى 15-شىسىنە كىرىسىپتى. ونىسى بۇرىنعىلاردان وزگەشە ءارى اۋقىمدى بولماق.
بۇل جوبانى ىسكە اسىرۋ جولىندا ەڭبەكتەنىپ كەلە جاتقانىنا 10 جىل بولدى. بۇل ادامنىڭ جەرمەن بايلانىسىن سەزىنىپ، ءوزىنىڭ جان دۇنيەسىنە ۇڭىلە الاتىن ەرەكشە ورىن بولۋى ءتيىس.
العاشقى جەتىستىگىنەن سوڭ شەبەردى وزگەلەر جالداۋعا تىرىسىپتى. ءبىراق باس تارتقان. ويتكەنى ۇڭگىردى تەك شىنايى شابىتپەن عانا جاساي الادى.
بۇل ەرەكشە ادام تۋرالى جانە ونىڭ تۋىندىلارى تۋرالى تۇسىرىلگەن «ۇڭگىر قازۋشى» فيلمى «وسكار» - عا ۇسىنىلعان.
دەرەككوز: mirumira.ru