قازاقستاندا قوي سانى 2021 - جىلعا قاراي 3 ميلليونعا جەتەدى

None
None
 استانا. قازاقپارات - قوي تەرىسىن وڭدەۋ دەڭگەيى وتە تومەن بولىپ تۇر. بۇل تۋرالى پارلامەنت ماجىلىسىندە «اگرو ونەركاسىپتىك كەشەندى دامىتۋ كارتالارى - اۋىل شارۋاشىلىعىن مەملەكەتتىك قولداۋدى جەتىلدىرۋ جونىندەگى ودان ءارى شارالار» تاقىرىبىنداعى ۇكىمەت ساعاتىندا تاراتىلعان مالىمەتتەردەن بەلگىلى بولدى، دەپ حابارلايدى قازاقپارات.

   ق ر اۋىل شارۋاشىلىعى مينيسترلىگى مالىمەتىنشە، جۇرگىزىلگەن تالداۋلار جىل سايىن 7,8 ميلليون تەرى شىعارىلاتىنىن، ونىڭ تەك 2 پايىزى عانا وڭدەلەتىنىن كورسەتتى. ال ولاردى وڭدەيتىن 5 زاۋىت تەك 5,5 پايىزعا (3,0 ميلليون تەرى) عانا جۇكتەلگەن.

 «بۇگىنگى كۇنى ءجۇن وڭدەيتىن كاسىپورىندار شامامەن 12,7 پايىزعا جۇكتەلگەن. بۇل رەتتە ءجۇننىڭ 10 پايىزى عانا وڭدەلەدى»، - دەپ اتاپ وتىلگەن ۆەدومستۆو مالىمەتىندە.

 وسىعان بايلانىستى مال سويۋ پۋنكتتەرى جانىنان جاڭادان 30 ءجۇن دايىندايتىن جانە 135 تەرى دايىندايتىن بەكەتتەردى قۇرۋ كوزدەلىپ وتىر. سونداي- اق،  2531 شالعايداعى جايىلىم ۋچاسكەسى مەن  1747 قولدان ۇرىقتاندىرۋ پۋنكتىن قۇرۋ جوسپارلانۋدا.

«جۇمىس ىستەپ تۇرعان 2 كاسىپورىندى جاڭعىرتۋ جانە ءجۇننىڭ بارلىق ءتۇرىن كەشەندى قايتا وڭدەۋگە مۇمكىندىك بەرەتىن زاماناۋي تەحنولوگيالاردى قولدانا وتىرىپ، 1 زاۋىت سالۋ كوزدەلۋدە. ناتيجەسىندە، مال باسى 2021 -جىلعا قاراي 2,7 ميلليونعا، ال قوي شارۋاشىلىعى ءونىمى 2 ەسەگە (123 ملرد تەڭگە) وسەدى»، - دەلىنگەن ق ر  ا ش م جوسپارىندا.

اۆتور: رۋسلان عابباسوۆ

سوڭعى جاڭالىقتار