التىنشى «قىتاي- ەۋرازيا» ەكسپو كورمەسى 2018-جىلى وتەدى

استانا. قازاقپارات - 2018-جىلدىڭ تامىز ايىندا شىنجاڭ-ۇيعىر اۆتونوميالىق رايونىنىڭ اكىمشىلىك ورتالىعى - ءۇرىمشى قالاسىندا «قىتاي-ەۋرازيا» 6-ەكسپو كورمەسى وتەدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

كورمەنىڭ جالپى اۋماعى 140 مىڭ شارشى مەتردى قۇرايتىن بولادى. وندا كەدەيلىكپەن كۇرەس، ەرەكشە ازىق-تۇلىكتەر، باسپا ونىمدەرى جانە تاعى باسقا دا تاقىرىپتارعا ارنالعان پاۆيلوندار اشىلادى.

جارمەڭكە اياسىندا سونىمەن قاتار مينيسترلىكتەر دەڭگەيىندە 15 فورۋم جوسپارلانعان. بۇنىڭ الدىنداعى ەكسپو كورمەلەرىندە ىشكى جوبالاردى جۇزەگە اسىرۋ بويىنشا - 150 ميلليارد دوللار سوماسىنا جانە سىرتقى ساۋدا جوبالارىنا قاتىستى 30 ميلليارد دوللار سوماسىنا كەلىسىمدەر جاسالعان بولاتىن.

جارمەڭكەنىڭ ۇيىمداستىرۋ كوميتەتى باستىعىنىڭ ورىنباسارى حۋان سانپين «قىتاي-ەۋرازيا» ەكسپوسى قىتاي مەن ەۋرازيالىق ەلدەر اراسىندا ىنتىماقتاستىق ورناتۋدىڭ ماڭىزدى الاڭىنا اينالعانىن اتاپ ءوتتى.